ஜிம்பாப்வே அணிக்கு எதிரான U19 உலகக்கிண்ணப் போட்டியில், இந்தியா 204 ஓட்டங்கள் வித்தியாசத்தில் இமாலய வெற்றி பெற்றது.
விஹான் மல்ஹோத்ரா சதம்
இந்தியா, ஜிம்பாப்வே அணிகளுக்கு இடையிலான U19 உலகக்கிண்ணப் போட்டி புலவாயோவில் நடந்தது.
முதலில் ஆடிய இந்திய அணி 50 ஓவர்களில் 8 விக்கெட்டுகள் இழப்பிற்கு 352 ஓட்டங்கள் குவித்தது.
விஹான் மல்ஹோத்ரா (Vihaan Malhotra) ஆட்டமிழக்காமல் 109 ஓட்டங்களும், அபிக்யன் குண்டு 61 ஓட்டங்களும் விளாசினர்.
ஜிம்பாப்வே ஆல்அவுட்
பின்னர் களமிறங்கிய ஜிம்பாப்வே அணி 37.4 ஓவர்களில் 148 ஓட்டங்களுக்கு ஆல்அவுட் ஆனது. அதிகபட்சமாக லீராய் சிவெளலா (Leeroy Chiwaula) 62 (77) ஓட்டங்கள் எடுத்தார்.
ICC/X
அணித்தலைவர் ஆயுஷ் மாத்ரே (Ayush Mhatre) மற்றும் உதவ் மோகன் தலா 3 விக்கெட்டுகளும், அம்ரிஷ் 2 விக்கெட்டுகளும் வீழ்த்தினர்.
இந்திய அணி 204 ஓட்டங்கள் வித்தியாசத்தில் இமாலய வெற்றி பெற, விஹான் மல்ஹோத்ரா ஆட்டநாயகன் விருது பெற்றார்.
ICC/X
