ஜப்பான் முழுவதும் மக்கள் கடும் பனிப்பொழிவிற்கு நடுவே திடீர்த் தேர்தல் ஒன்றில் தீவிரமாக வாக்களிக்கத் தொடங்கியுள்ளனர்.
பிரபலமான வேட்பாளராக
பிரதமர் சனே தகைச்சியின் கூட்டணி ஒரு தீர்க்கமான வெற்றியைப் பெறும் என்று எதிர்பார்க்கப்படுகிறது. ஜப்பானில் 36 ஆண்டுகளில் குளிர்காலத்தின் நடுப்பகுதியில் நடைபெறும் முதல் தேர்தல் இதுவாகும், இங்கு வழக்கமாக லேசான வானிலை நிலவும் போது மட்டுமே தேர்தல் முன்னெடுக்கப்படும்.
அவரது லிபரல் டெமாக்ரடிக் கட்சியின் (LDP) கூட்டணி, பிரபலமான ஜப்பானிய புதுமைக் கட்சியுடன் இணைந்து, கீழ் சபையில் உள்ள 465 ஆசனங்களில் 300 ஐ கைப்பற்றும் என்று கருத்துக் கணிப்புகள் காட்டுகின்றன.
மேலும், செல்வாக்கு சரிந்ததால் பதவி விலகிய இரண்டு LDP பிரதமர்களுக்குப் பிறகு, தகைச்சி ஜப்பான் வாக்காளர்களிடையே ஒரு பிரபலமான வேட்பாளராக உருவெடுத்துள்ளார்.
வரிச் சலுகைகள் மற்றும் மானியங்களை வழங்குவதன் மூலம் அவர் வாக்காளர்களைத் தன் பக்கம் ஈர்த்துவிட்டதாகத் தெரிகிறது. தகைச்சியின் தனிப்பட்ட செல்வாக்கு இந்தத் தேர்தலில் LDP கட்சியின் செயல்பாட்டை மேம்படுத்த உதவும் என்று அரசியல் பார்வையாளர்கள் கூறுகின்றனர்.
ஆனால், கடும் பனிப்பொழிவு வாக்காளர் வருகையை பாதிக்கக்கூடும், குறிப்பாக வடக்கு மற்றும் கிழக்கு பிராந்தியங்களில் இந்த பாதிப்பு ஏற்படலாம் என்றே கூறுகின்றனர்.
இந்த முறை முன்கூட்டியே வாக்களித்தவர்களின் எண்ணிக்கை சுமார் 4.6 மில்லியன் பேர் எனத் தெரிவிக்கப்பட்ட நிலையில், இது 2024-ல் நடைபெற்ற கடந்த தேர்தலை விட 2.5% குறைவாகும்.
More Read
மத்திய ஜப்பானில் உள்ள நீகாட்டா மாகாணம் உட்பட பல பகுதிகளில் ஞாயிற்றுக்கிழமை கடுமையானப் பனிப்பொழிவு இருக்கும் எனத் தெரிவிக்கப்பட்டுள்ளது. ஞாயிற்றுக்கிழமை காலை நிலவரப்படி, 37 ரயில் பாதைகள் மற்றும் 58 படகுப் போக்குவரத்து வழித்தடங்கள் மூடப்பட்டதாகவும், 54 விமானங்கள் ரத்து செய்யப்பட்டதாகவும் ஜப்பானின் போக்குவரத்து அமைச்சகம் தெரிவித்துள்ளது.
இளம் வாக்காளர்கள்
மக்கள் வாக்களிக்கச் செல்லும் நிலையில் தலைநகர் டோக்கியோவில் அரிதாக பனிப்பொழிவு ஏற்பட்டது. இந்த நிலையில், பாலினம் மற்றும் குடும்பம் குறித்த தகைச்சியின் பாரம்பரியக் கருத்துக்கள் விவாதப்பொருளாக இருந்தபோதிலும், 18 முதல் 30 வயதுக்குட்பட்ட இளம் வாக்காளர்கள் மத்தியில் குறிப்பாகப் பெரும் செல்வாக்கு பெற்றவராகத் திகழ்கிறார்.
அக்டோபர் மாதம் முதன்முதலில் பதவியேற்றதிலிருந்து, அவரது அரசாங்கத்திற்கான ஒப்புதல் மதிப்பீடுகள் பெரும்பாலும் 70 சதவீதத்திற்கு மேலாகவே இருந்து வருகின்றன.
இந்த முன்கூட்டிய தேர்தலானது தகைச்சிக்கு ஒரு வாழ்வா சாவா போராட்டமாகும், ஏனெனில் அவரது கட்சி தற்போது ஒரு ஒன்றுபட்ட எதிர்க்கட்சியை எதிர்கொள்கிறது.
More Read
LDP கட்சி எதிர்கொள்ளும் மற்றொரு முக்கியமான முட்டுக்கட்டை என்னவென்றால், அதன் அதிக செலவினம் கொண்ட நடவடிக்கைகள் ஜப்பானின் நிதி பலவீனத்தை மேலும் மோசமாக்காது என்பதை வாக்காளர்களுக்கு எப்படி நம்ப வைப்பது என்பதே ஆகும்.
