புவி அறிவியலுக்கான நோபல் என கருதப்படும் கிராஃபோர்டு பரிசுக்கு வீரபத்ரன் இராமநாதன் தேர்வு செய்யப்பட்டுள்ளார்.
கிராஃபோர்டு பரிசு
1982 ஆம் ஆண்டு முதல், ராயல் ஸ்வீடிஷ் அறிவியல் அகாடமியால் ஒவ்வொரு ஆண்டும் கிராஃபோர்டு பரிசு(Crafoord Prize) வழங்கப்படுகிறது.
வானியல் மற்றும் கணிதம், பன்மூட்டழற்சி, புவி அறிவியல் மற்றும் உயிரியல் அறிவியல் ஆகிய 4 துறைகளில் சிறப்பான பங்களிப்பை வாங்கியவர்களுக்கு இந்த விருது வழங்கப்படுகிறது.
இந்த விருது புவி அறிவியலுக்கான நோபல்(nobel of geosciences) விருதாக கருதப்படுகிறது.
இந்த விருது பெறுபவர்களுக்கு 8 மில்லியன் ஸ்வீடிஷ் குரோனர்(சுமார் 9,00,000 அமெரிக்கா டொலர்) பணம் மற்றும் தங்க பதக்கம் வழங்கப்படும்.
இந்த ஆண்டு புவி அறிவியலுக்கான கிராஃபோர்டு பரிசுக்கு வீரபத்ரன் இராமநாதன் தேர்வு செய்யப்பட்டுள்ளார்.
இந்த விருது 2026 மே மாதத்தில் ஸ்டாக்ஹோம் மற்றும் லண்டில் நடைபெறும் கிராஃபோர்டு நாட்களில் வழங்கப்படும்.
வீரபத்ரன் இராமநாதன்
புவி வெப்பமடைதல் பற்றிய புரிதலை மறுவடிவமைத்த சூப்பர்-மாசுபடுத்திகள் மற்றும் வளிமண்டல பழுப்பு மேகங்கள் பற்றிய ராமநாதனின் பல தசாப்த கால ஆராய்ச்சியை அங்கீகரிக்க்கும் விதமாக இந்த பரிசுக்கு அவர் தேர்வு செய்யப்பட்டுள்ளார்.
தற்போது 82 வயதான மதுரையில் பிறந்து சென்னையில் வளர்ந்துள்ளார். தனது கல்லூரி படிப்பை சிதம்பரம் அண்ணாமலை பல்கலைகழகம் மற்றும் இந்திய அறிவியல் நிறுவனத்தில் பயின்றுள்ளார்.
செகந்திராபாத்தில் உள்ள ஒரு குளிர்சாதன பெட்டி தொழிற்சாலையில் பொறியாளராக தனது வாழ்க்கையைத் தொடங்கியுள்ளார்.
தெற்காசியாவின் மேல் வளிமண்டல பழுப்பு நிற மேகங்களை அடையாளம் கண்ட இந்தியப் பெருங்கடல் பரிசோதனையில் (INDOEX) முக்கிய பங்கு வகித்தார்.
இந்த ஆய்வு காற்று மாசுபாட்டை பலவீனமான இந்திய பருவமழை மற்றும் இமயமலை பனிப்பாறைகள் உருகுவதை துரிதப்படுத்தியது ஆகியவற்றுடன் தொடர்புபடுத்தியது.
1975 ஆம் ஆண்டு நாசாவில் பணிபுரிந்தபோது, ஏரோசோல்கள் மற்றும் குளிர்பதனத்தில் பரவலாகப் பயன்படுத்தப்படும் குளோரோஃப்ளூரோகார்பன்கள் (CFC), கார்பன் டை ஆக்சைடை விட 10,000 மடங்கு அதிக திறம்பட வளிமண்டலத்தில் வெப்பத்தைப் பிடிக்கின்றன என்பதை கண்டறிந்தார்.
இது குறித்து ராயல் ஸ்வீடிஷ் அறிவியல் அகாடமியிடம் பேசிய அவர், “1975 ஆம் ஆண்டு வரை, புவி வெப்பமடைதல் முக்கியமாக CO₂ இலிருந்து வருவதாக நாங்கள் நினைத்தோம். தொழில்நுட்பம் மற்றும் மனிதர்கள் சுற்றுச்சூழலை மாற்றும் திறனைக் கண்டு நான் அதிர்ச்சியடைந்தேன்” என தெரிவித்துள்ளார்.
தற்போது, சான் டியாகோவின் கலிபோர்னியா பல்கலைக்கழகத்தின் ஸ்கிரிப்ஸ் கடல்சார் நிறுவனத்தில் ஒரு புகழ்பெற்ற பேராசிரியராகப் பணியாற்றி வருகிறார்.
அவரது ஆய்வுக்காக, ராயல் நெதர்லாந்து கலை மற்றும் அறிவியல் அகாடமி அவருக்கு பைஸ் பேலட் பதக்கம், கார்ல்-குஸ்டாஃப் ரோஸ்பி ஆராய்ச்சி பதக்கம், BBVA அறக்கட்டளை எல்லைப்புற அறிவு விருது, டாங் பரிசு, வில்லனோவா பல்கலைக்கழகத்தின் மெண்டல் பதக்கம், வாழ்நாள் சாதனையாளர் விருது, கிராண்டே மெடெய்ல் ஆஃப் தி அகாடமி டெஸ் சயின்சஸ் ஆகியவற்றை வென்றுள்ளார்.
காலநிலை மாற்ற பிரச்சினைகள் குறித்து போப் பிரான்சிஸுக்கு தனிப்பட்ட முறையில் ஆலோசனை வழங்கியுள்ளார். மேலும், காலநிலை மாற்றம் குறித்த போப்பின் கலைக்களஞ்சியமான லாடாடோ சி’யை (Laudato si) உருவாக்குவதில் அவர் பங்கு வகித்தார்.
