கணவரை சந்திக்க சிறையிலிருக்கும் கர்ப்பிணிப்பெண்ணுக்கு அனுமதி மறுப்பு: நீதிமன்றம் சாடல்

சிறையிலிருக்கும் கர்ப்பிணிப் பெண்ணொருவரை சந்திக்க அவரது கணவருக்கு அனுமதி மறுக்கப்பட்ட விவகாரம் தொடர்பில், சுவிட்சர்லாந்தை ஐரோப்பிய மனித உரிமைகள் நீதிமன்றம் கண்டித்துள்ளது.

கர்ப்பிணி மனைவியை சந்திக்க அனுமதி மறுப்பு

ஸ்பெயின் நாட்டவரான பெண்ணொருவர், போதைப்பொருள் கடந்தியதாக சந்தேகத்தின் பேரில் சுவிட்சர்லாந்தின் வாட் மாகாணத்தில் விசாரணைக்கு முந்தைய தடுப்புக் காவலில் வைக்கப்பட்டிருந்தார்.

கர்ப்பிணியான அவர், கர்ப்பகாலத்தின்போதும், பிரசவத்தின்போதும், தன் கணவர் தன்னுடன் இருக்க அனுமதி கோரியிருந்தார்.ஆனால், சுவிஸ் அதிகாரிகளும், நீதிமன்றங்களும் அவரது கோரிக்கையை ஏற்கவில்லை.

இந்த விடயம் ஐரோப்பிய மனித உரிமைகள் நீதிமன்றத்தை எட்டிய நிலையில், அந்த கர்ப்பிணிப்பெண்ணின் கோரிக்கை மறுக்கப்பட்ட விடயம், அவரது குடும்ப வாழ்வில் அநியாயமான தலையீடு என நீதிமன்றம் சாடியுள்ளது.

More Read

அமெரிக்க உணவு விழாவில் துப்பாக்கிச் சூடு; மூவர் பலி

பங்களாதேசத்திற்குள் 105 எல்லைபுற வழிகளால் போதைப்பொருள் கடத்தல்

தென் கொரிய ஜனாதிபதிக்கு ஒத்திவைக்கப்பட்ட 18 மாத சிறை

எல் நினோ காலநிலை தாக்கத்தினால் நாட்டின் பல பகுதிகளில் கடுமையான வெப்பமான காலநிலை நிலவி வருவதாகவும் மத்திய மலைநாட்டுப் பகுதியில் நிலவும் அதிக வறட்சியான காலநிலை காரணமாக விக்டோரியா நீர்த்தேக்கம் உட்பட நீர் நிலைகளின் நீர்மட்டம் வேகமாக குறைவடைந்து வருவதாக வளிமண்டலவியல் திணைக்களம் தெரிவித்துள்ளது. இவ்வாறு மிகவும் தீவிரமான எல் நினோ காலநிலை ஏற்படுமாயின், அடுத்த வருடத்தின் முதலாம் காலாண்டில் நாட்டில் கடும் வறட்சி நிலைமை ஏற்படக்கூடும் என வளிமண்டலவியல் திணைக்களத்தின் பணிப்பாளர் நாயகம் அஜித் விஜேமான்ன தெரிவித்துள்ளார். எல் நினோ தாக்கத்தினால் நாட்டின் பல பகுதிகளில் கடுமையான வெப்பமான காலநிலை நிலவி வருவதுடன் அந்த வகையில் நாட்டில் தற்போது ‘எல் நினோ’ காலநிலை நிலைமை உருவாகியுள்ளதாகவும் அவர் தெரிவித்துள்ளார். இது ஒரு வலுவான எல் நினோ நிலைமையாக மாறுவதற்கு, முன்னர் 63 வீதமாக காணப்பட்ட சாத்தியக்கூறு, உலகளாவிய கணிப்புகளின்படி தற்போது 80 வீதமாக அதிகரித்துள்ளதாகவும் அவர் குறிப்பிட்டுள்ளார். நாட்டின் வடக்கு, வடமத்திய, கிழக்கு மாகாணங்களிலும், ஹம்பாந்தோட்டை மற்றும் மொனராகலை மாவட்டங்களிலும் தற்போது தீவிர வெப்பமான காலநிலை நிலவுவதாகவும் மத்திய மலைநாட்டுப் பகுதியிலும் அதிக வறட்சியான காலநிலை நிலவுவதாகவும் அவர் குறிப்பிட்டுள்ளார். பசுபிக் பெருங்கடல் பகுதியில் ஆரம்பித்துள்ள எல் நினோ நிலைமை, தற்போது உலகம் முழுவதும் பல காலநிலை மாற்றங்களுக்குக் காரணமாக அமைந்துள்ளது. இதன் காரணமாக பிரான்ஸ், ஜேர்மனி, பெல்ஜியம், நெதர்லாந்து மற்றும் ஸ்பெயின் உள்ளிட்ட மேற்கு ஐரோப்பிய நாடுகள் பல கடுமையான வெப்ப அலையைச் சந்தித்து வருகின்றன. இதுவரை பதிவான மிகத் தீவிரமான எல் நினோ நிகழ்வுகளில் ஒன்றாக இது உருவெடுக்கக்கூடும் என சர்வதேச விஞ்ஞானிகள் கணித்துள்ளனர்.

கர்ப்பிணிப்பெண்ணொருவர் தனது கணவரை சந்திக்க அனுமதி மறுத்த விடயம், ஐரோப்பிய மனித உரிமைகள் ஒப்பந்தத்தின் 8ஆவது பிரிவை மீறும் விடயமாகும் என்றும் ஐரோப்பிய மனித உரிமைகள் நீதிமன்றம் தெரிவித்துள்ளது.

ஆகவே, அவருக்கு ஏற்பட்ட மன உளைச்சலுக்காக, இழப்பீடாக 1,730 யூரோக்களையும், வழக்குச் செலவுகளுக்காக 4,000 யூரோக்களையும் சுவிட்சர்லாந்து செலுத்த வேண்டும் என்றும் ஐரோப்பிய மனித உரிமைகள் நீதிமன்றம் உத்தரவிட்டுள்ளது.