Japan ambassador summons by russia: குரில் தீவுகள் தொடர்பிலான சர்ச்சையைத் தொடர்ந்து, ஜப்பானியத் தூதர் ரஷ்ய வெளியுறவு அமைச்சகத்திற்கு வரவழைக்கப்பட்டார்.
விளாடிமிர் புடினின் சர்ச்சைக்குரிய குரில் தீவுகள் பயணத்திற்கு எழுந்த கண்டனத்தைத் தொடர்ந்து, ஜப்பானியத் தூதர் ரஷ்ய வெளியுறவு அமைச்சகத்திற்கு வரவழைக்கப்பட்டார்.
குரில் தீவுகளுக்கு பயணம்
ரஷ்ய ஜனாதிபதி விளாடிமிர் புடின் (Vladimir Putin) சர்ச்சைக்குரிய குரில் தீவுகளுக்கு முதன்முறையாக பயணம் மேற்கொண்டார்.
இந்தப் பயணத்தை முற்றிலும் ஏற்றுக்கொள்ள முடியாது என்று ஜப்பானிய பிரதமர் சனாயே டகாயிச்சி கண்டித்தார்.
மேலும், தலைநகர் டோக்கியோவில் உள்ள ரஷ்யத் தூதரை வரவழைத்தார். அதன் விளைவாக, ஜப்பானுக்கு பதிலளிக்கும் விதமாக தனது எதிர்ப்பின் மூலம் மரியாதைக்குரிய வரம்பை மீறிவிட்டதாக ரஷ்ய வெளியுறவு அமைச்சர் செர்ஜி லாவ்ரோவ் குற்றம்சாட்டினார்.
ஜப்பானியத் தூதர்
இந்த நிலையில், மாஸ்கோவில் உள்ள ஜப்பானியத் தூதர் அகிரா முட்டோவை வெளியுறவு அமைச்சகத்திற்கு வரவழைத்துள்ளார் செர்ஜி லாவ்ரோவ்.
Interfax செய்தி நிறுவனத்தின் தகவலின்படி, செவ்வாய்க்கிழமையன்று மாஸ்கோவில் உள்ள வெளியுறவு அமைச்சகக் கட்டிடத்திற்குள் சுமார் 20 நிமிடங்கள் இருந்த முட்டோ, அங்கிருந்து வெளியேறும்போது செய்தியாளர்களின் கேள்விகளுக்குப் பதிலளிக்க மறுத்துவிட்டார்.
அதே சமயம், தகாய்ச்சி வெளியிட்ட ரஷ்ய-எதிர்ப்பு கருத்துகள் தொடர்பாக முட்டோ வரவழைக்கப்பட்டதாக ரஷ்ய வெளியுறவு அமைச்சகம் தெரிவித்தது.
