ஆப்கானிஸ்தானின் ஜலாலாபாத் நகரில் இன்று (சனிக்கிழமை) நடந்த சம்பவம், பாகிஸ்தான்-ஆப்கானிஸ்தான் உறவுகளை கடுமையாக பதற்றமடையச் செய்துள்ளது.
தாலிபான் படைகள் பாகிஸ்தான் போர் விமானத்தை சுட்டு வீழ்த்தியதாகவும், அதன் பைலட் உயிருடன் பிடிபட்டதாகவும் அதிகாரப்பூர்வமாக அறிவிக்கப்பட்டுள்ளது.
ஆப்கானிஸ்தான் கிழக்கு இராணுவத்தின் செய்தித்தொடர்பாளர் வாஹிதுல்லா முகம்மதி இதனை உறுதிப்படுத்தினார்.
சம்பவம் ஜலாலாபாத் நகரின் ஆறாவது மாவட்டத்தில் நடந்ததாக பொலிஸ் தகவல் தெரிவித்துள்ளது.
More Read
சம்பவத்திற்கு முன் பாகிஸ்தான், காபூல் மற்றும் கந்தஹார் பகுதிகளில் விமானத் தாக்குதல் நடத்தியது. இதனால் இரு நாடுகளுக்கும் இடையே பதற்றம் அதிகரித்தது.
பாகிஸ்தான் பாதுகாப்புத்துறை அமைச்சர் கவாஜா அசிஃப், “ஆப்கானிஸ்தானுக்கு எதிராக பகிரங்க போர்” எனக் கடுமையான அறிக்கையை வெளியிட்டார்.
பாகிஸ்தான் தரப்பில் 270-க்கும் மேற்பட்ட தாலிபான் வீரர்கள் கொல்லப்பட்டதாகவும், 400-க்கும் மேற்பட்டோர் காயமடைந்ததாகவும் கூறப்படுகிறது.
More Read
அதேசமயம், தாலிபான் அரசு 55 பாகிஸ்தான் வீரர்கள் கொல்லப்பட்டதாகவும், முக்கிய இராணுவ இலக்குகள் தாக்கப்பட்டதாகவும் தெரிவித்துள்ளது.
இந்த சம்பவம், இரு நாடுகளுக்கும் இடையே பெரிய அளவிலான போர் வெடிக்கும் அபாயத்தை அதிகரித்துள்ளது. உலக நாடுகள் கவலைக்கிடமாக நிலைமையை கவனித்து வருகின்றன.
