அமெரிக்காவிற்கும் ஈரானுக்கும் இடையே பதட்டங்கள் அதிகரித்து வரும் நிலையில், ஹார்முஸ் நீரிணையைக் கடந்து செல்லும் வணிகக் கப்பல்களுக்கு அமெரிக்கா எச்சரிக்கை விடுத்துள்ளது.
முடிந்தவரை தொலைவில்
ஈரான் கடந்த காலங்களில் ஹார்முஸ் நீரிணையை மூடுவதாக அச்சுறுத்தியுள்ளது, அதன் ஒரு பகுதி அதன் பிராந்திய நீர்நிலைகளுக்குள் உள்ளது, மேலும் சில சமயங்களில் கடத்தல் குற்றச்சாட்டில் அந்தப் பகுதி வழியாகச் செல்லும் வணிகக் கப்பல்கள் மற்றும் எண்ணெய் கப்பல்களையும் ஈரான் கைப்பற்றியுள்ளது.
இந்த நிலையில், அமெரிக்கக் கொடியுடன் கூடிய வணிகக் கப்பல்கள் ஈரானின் கடல் எல்லையிலிருந்து முடிந்தவரை தொலைவில் பயணிக்கவும், ஈரானியப் படைகள் வலியுறுத்தினால் உள்ளே நுழைவதற்கான அனுமதியை வாய்மொழியாக நிராகரிக்கவும் அமெரிக்கப் போக்குவரத்துத் துறையின் கடல்சார் நிர்வாகம் அறிவுறுத்தியது.
அத்துடன், ஈரானியப் படைகள் கப்பலில் ஏறினால், அவர்களை வலுக்கட்டாயமாக எதிர்க்கக் கூடாது என்றும் அதில் குறிப்பிடப்பட்டுள்ளது. இதனிடையே, ஓமானின் மத்தியஸ்தத்தில் அமெரிக்காவுடனான அணுசக்தி பேச்சுவார்த்தைகள் ஒரு நல்ல தொடக்கமாகவும், தொடரவும் இருப்பதாக ஈரானின் உயர்மட்ட தூதர் ஒருவர் வெள்ளிக்கிழமை தெரிவித்தார்.
More Read
ஆனால் இரு தரப்பும் ஒரு ஒப்பந்தத்தை எட்டத் தவறினால் மத்திய கிழக்கை போருக்கு நெருக்கமாகத் தள்ளக்கூடும் என்ற கவலை அந்தப் பிராந்தியத்தில் உள்ள பல நாடுகளுக்கு ஏற்பட்டுள்ளது.
25 சதவீத வரி
மேற்கத்திய நாடுகளுடனான ஈரானின் நீண்டகால அணுசக்தி மோதல் தொடர்பாக நிலைப்பாட்டை புதுப்பிக்க இரு தரப்பினரும் தயாராக இருப்பதாகக் குறிப்பிட்டுள்ள நிலையில், ஈரானின் பாலிஸ்டிக் ஏவுகணைகள், பிராந்தியத்தைச் சுற்றியுள்ள ஆயுதக் குழுக்களுக்கான ஆதரவு மற்றும் மனித உரிமைகள் ஆகியவற்றையும் பேச்சுவார்த்தைகள் உள்ளடக்கியதாக அமெரிக்கா கூறியுள்ளது.
இந்த நிலையில், கடந்த மாதம் ட்ரம்ப் விடுத்த அச்சுறுத்தலைத் தொடர்ந்து, ஈரானில் இருந்து நேரடியாகவோ அல்லது மறைமுகமாகவோ பொருட்களை வாங்கும் எந்தவொரு நாட்டிலிருந்தும் இறக்குமதி செய்யப்படும் பொருட்களுக்கு 25 சதவீத வரி விதிக்கும் நிர்வாக உத்தரவை வெள்ளிக்கிழமை வெளியிட்டதன் மூலம் ஜனாதிபதி டொனால்ட் ட்ரம்ப் ஈரான் மீதான அழுத்தத்தை அதிகரித்துள்ளார்.
ஆனால், ஒரு நாட்டின் உரிமைகள் மீது அமெரிக்கா அழுத்தமளிக்க முடியாது என்றும், அமெரிக்காவின் கட்டுப்பாட்டில் ஒரு நாடும் அதன் நாட்டு மக்களும் செயல்பட வேண்டும் என கட்டாயப்படுத்துவது சர்வாதிகாரம் என்றும் ஈரான் பதிலளித்துள்ளது.
