இராணுவ தளபதியை பதவி நீக்கம் செய்த உக்ரைன் ஜனாதிபதி

உக்ரைனின் இராணுவத் தளபதி ஓலெக்சாண்டர் சிர்ஸ்கியை அந்நாட்டு ஜனாதிபதி வோலோடிமிர் ஸெலென்ஸ்கி பதவி நீக்கம் செய்துள்ளார்.

உக்ரைனின் பாதுகாப்பு அமைச்சர் மைக்கைலோ ஃபெடோரோவ் பதவி நீக்கம் செய்யப்பட்ட சில தினங்களுக்கு பின் இராணுவ தளபதியை உக்ரைன் ஜனாதிபதி பதவி நீக்கம் செய்திருக்கிறார்.

பதவி நீக்கம் செய்யப்பட்ட இராணுவ தளபதி சிர்ஸ்கியின் இடத்திற்கு முன்னணி ஜெனராலான மைக்கைலோ டிராபதி நியமிக்கப்பட்டுள்ளார். அவர் தமது முகநூல் பதிவில், ‘நான் பொறுப்புடனும், முழு கவனத்துடனும், நாட்டைப் பாதுகாக்கும் பணியை மரியாதையுடன் முன்னெடுப்பேன்’ எனத் தெரிவித்துள்ளார்.

இந்நிலையில் ஸெலென்ஸ்கி சமூக ஊடக காணொளி பதிவொன்றில், 2022 இல் ரஷ்யா முழு அளவிலான போரைத் தொடங்கிய ஆரம்ப நாட்களில் தலைநகர் கீயூவை வெற்றிகரமாக பாதுகாப்பதில் சிர்ஸ்கியின் பங்கு உட்பட அவரது பணிகளுக்கு நன்றியும் தெரிவித்துள்ளார்.

இதேவேளை ரஷ்யாவின் மிகப்பெரிய இணைய சேவை சில்லறை விற்பனையாளருக்கு சொந்தமான களஞ்சியங்கள் மீது உக்ரைன் நடத்திய ட்ரோன் தாக்குதலில் 15 பேர் காயமடைந்துள்ளனர். கிராஸ்னோடர் மற்றும் ஸ்டாவ்ரோபோல் பிராந்தியங்களில் உள்ள வைல்ட்பெர்ரிகளுக்கு சொந்தமான தளவாட மையங்கள் இத்தாக்குதல்களால் பாதிக்கப்பட்டுள்ளன,

More Read

அமெரிக்க உணவு விழாவில் துப்பாக்கிச் சூடு; மூவர் பலி

பங்களாதேசத்திற்குள் 105 எல்லைபுற வழிகளால் போதைப்பொருள் கடத்தல்

தென் கொரிய ஜனாதிபதிக்கு ஒத்திவைக்கப்பட்ட 18 மாத சிறை

எல் நினோ காலநிலை தாக்கத்தினால் நாட்டின் பல பகுதிகளில் கடுமையான வெப்பமான காலநிலை நிலவி வருவதாகவும் மத்திய மலைநாட்டுப் பகுதியில் நிலவும் அதிக வறட்சியான காலநிலை காரணமாக விக்டோரியா நீர்த்தேக்கம் உட்பட நீர் நிலைகளின் நீர்மட்டம் வேகமாக குறைவடைந்து வருவதாக வளிமண்டலவியல் திணைக்களம் தெரிவித்துள்ளது. இவ்வாறு மிகவும் தீவிரமான எல் நினோ காலநிலை ஏற்படுமாயின், அடுத்த வருடத்தின் முதலாம் காலாண்டில் நாட்டில் கடும் வறட்சி நிலைமை ஏற்படக்கூடும் என வளிமண்டலவியல் திணைக்களத்தின் பணிப்பாளர் நாயகம் அஜித் விஜேமான்ன தெரிவித்துள்ளார். எல் நினோ தாக்கத்தினால் நாட்டின் பல பகுதிகளில் கடுமையான வெப்பமான காலநிலை நிலவி வருவதுடன் அந்த வகையில் நாட்டில் தற்போது ‘எல் நினோ’ காலநிலை நிலைமை உருவாகியுள்ளதாகவும் அவர் தெரிவித்துள்ளார். இது ஒரு வலுவான எல் நினோ நிலைமையாக மாறுவதற்கு, முன்னர் 63 வீதமாக காணப்பட்ட சாத்தியக்கூறு, உலகளாவிய கணிப்புகளின்படி தற்போது 80 வீதமாக அதிகரித்துள்ளதாகவும் அவர் குறிப்பிட்டுள்ளார். நாட்டின் வடக்கு, வடமத்திய, கிழக்கு மாகாணங்களிலும், ஹம்பாந்தோட்டை மற்றும் மொனராகலை மாவட்டங்களிலும் தற்போது தீவிர வெப்பமான காலநிலை நிலவுவதாகவும் மத்திய மலைநாட்டுப் பகுதியிலும் அதிக வறட்சியான காலநிலை நிலவுவதாகவும் அவர் குறிப்பிட்டுள்ளார். பசுபிக் பெருங்கடல் பகுதியில் ஆரம்பித்துள்ள எல் நினோ நிலைமை, தற்போது உலகம் முழுவதும் பல காலநிலை மாற்றங்களுக்குக் காரணமாக அமைந்துள்ளது. இதன் காரணமாக பிரான்ஸ், ஜேர்மனி, பெல்ஜியம், நெதர்லாந்து மற்றும் ஸ்பெயின் உள்ளிட்ட மேற்கு ஐரோப்பிய நாடுகள் பல கடுமையான வெப்ப அலையைச் சந்தித்து வருகின்றன. இதுவரை பதிவான மிகத் தீவிரமான எல் நினோ நிகழ்வுகளில் ஒன்றாக இது உருவெடுக்கக்கூடும் என சர்வதேச விஞ்ஞானிகள் கணித்துள்ளனர்.

உக்ரைன் கடந்த நான்கு நாட்களில் இரண்டாவது தடவையாக இந்த இணைய சேவை நிறுவனத்தின் களஞ்சியங்கள் மீது தாக்கியுள்ளன. கடந்த சனிக்கிழமையன்று தம்போவ் மற்றும் எலெக்ட்ரோஸ்டலில் உள்ள களஞ்சியங்கள் தாக்கப்பட்ட போது எட்டு பேர் கொல்லப்பட்டதோடு 62 பேர் காயமடைந்தமை தெரிந்ததே.பி.பி.சி