ஈரான் மீதான போருக்கு எதிராக பிலிப்பைன்ஸில் ஆர்ப்பாட்டம்

ஈரான் மீது அமெரிக்கா முன்னெடுக்கும் போருக்கு எதிராக பிலிப்பைன்ஸின் தலைநகரில் ஆர்ப்பாட்டமொன்று நேற்று இடம்பெற்றது.

தென்கிழக்கு ஆசிய நாடுகளின் கூட்டமைப்பு (ஆசியான்) வெளியுறவு அமைச்சர்கள் கூட்டம் மணிலாவில் நடைபெறுகிறது. இம்மாநாட்டில் அமெரிக்க இராஜாங்க செயலாளர் மார்கோ ரூபியோ பங்குபற்றியுள்ளமைக்கும் ஆர்ப்பாட்டக்காரர்கள் எதிர்ப்பு தெரிவித்ததோடு ‘போர்க் குற்றவாளிகள் வரவேற்கப்பட மாட்டார்கள்’. ‘ட்ரம்பைத் தடை செய்’, ரூபியோவைத் தடை செய்’ என்று எழுதப்பட்ட பதாகைகளையும் ஏந்தியிருந்தனர்.

இந்த ஆர்ப்பாட்டத்தில் பங்குபற்றியுள்ள மனித உரிமை ஆர்வலர் கிறிஸ்டினா பலபே, ‘அமெரிக்கா, குறிப்பாக ட்ரம்பின் கீழ், உலகின் முதன்மையான போர்க் குற்றவாளியாக உள்ளது என்று குறிப்பிட்டுள்ளார்.

ரூபியோவுடன் பணியாற்றுவதை நிறுத்துமாறு ஜனாதிபதி ஃபெர்டினாண்ட் மார்கோஸ் ஜூனியரின் அரசாங்கத்தை வலியுறுத்திய மற்றொரு எதிர்ப்பாளரான மோங் பலடினோ, ரூபியோவின் வருகை பிலிப்பைன்ஸில் அதிக அமெரிக்க இராணுவ தளங்களுக்கு வழிவகுக்கும். அவரது வருகை நமது இயற்கை வளங்களை மேலும் இழக்கவும் வித்திடும்’ என்று கூறினார். இந்நிலையில் அமெரிக்காவும் ஈரானும் மோதலை உடனடியாக நிறுத்த வேண்டும் என்று ஆசியானின் வெளியுறவு அமைச்சர்கள் அழைப்பு விடுத்தனர்.

அல் ஜசீரா

More Read

அமெரிக்க உணவு விழாவில் துப்பாக்கிச் சூடு; மூவர் பலி

பங்களாதேசத்திற்குள் 105 எல்லைபுற வழிகளால் போதைப்பொருள் கடத்தல்

தென் கொரிய ஜனாதிபதிக்கு ஒத்திவைக்கப்பட்ட 18 மாத சிறை

எல் நினோ காலநிலை தாக்கத்தினால் நாட்டின் பல பகுதிகளில் கடுமையான வெப்பமான காலநிலை நிலவி வருவதாகவும் மத்திய மலைநாட்டுப் பகுதியில் நிலவும் அதிக வறட்சியான காலநிலை காரணமாக விக்டோரியா நீர்த்தேக்கம் உட்பட நீர் நிலைகளின் நீர்மட்டம் வேகமாக குறைவடைந்து வருவதாக வளிமண்டலவியல் திணைக்களம் தெரிவித்துள்ளது. இவ்வாறு மிகவும் தீவிரமான எல் நினோ காலநிலை ஏற்படுமாயின், அடுத்த வருடத்தின் முதலாம் காலாண்டில் நாட்டில் கடும் வறட்சி நிலைமை ஏற்படக்கூடும் என வளிமண்டலவியல் திணைக்களத்தின் பணிப்பாளர் நாயகம் அஜித் விஜேமான்ன தெரிவித்துள்ளார். எல் நினோ தாக்கத்தினால் நாட்டின் பல பகுதிகளில் கடுமையான வெப்பமான காலநிலை நிலவி வருவதுடன் அந்த வகையில் நாட்டில் தற்போது ‘எல் நினோ’ காலநிலை நிலைமை உருவாகியுள்ளதாகவும் அவர் தெரிவித்துள்ளார். இது ஒரு வலுவான எல் நினோ நிலைமையாக மாறுவதற்கு, முன்னர் 63 வீதமாக காணப்பட்ட சாத்தியக்கூறு, உலகளாவிய கணிப்புகளின்படி தற்போது 80 வீதமாக அதிகரித்துள்ளதாகவும் அவர் குறிப்பிட்டுள்ளார். நாட்டின் வடக்கு, வடமத்திய, கிழக்கு மாகாணங்களிலும், ஹம்பாந்தோட்டை மற்றும் மொனராகலை மாவட்டங்களிலும் தற்போது தீவிர வெப்பமான காலநிலை நிலவுவதாகவும் மத்திய மலைநாட்டுப் பகுதியிலும் அதிக வறட்சியான காலநிலை நிலவுவதாகவும் அவர் குறிப்பிட்டுள்ளார். பசுபிக் பெருங்கடல் பகுதியில் ஆரம்பித்துள்ள எல் நினோ நிலைமை, தற்போது உலகம் முழுவதும் பல காலநிலை மாற்றங்களுக்குக் காரணமாக அமைந்துள்ளது. இதன் காரணமாக பிரான்ஸ், ஜேர்மனி, பெல்ஜியம், நெதர்லாந்து மற்றும் ஸ்பெயின் உள்ளிட்ட மேற்கு ஐரோப்பிய நாடுகள் பல கடுமையான வெப்ப அலையைச் சந்தித்து வருகின்றன. இதுவரை பதிவான மிகத் தீவிரமான எல் நினோ நிகழ்வுகளில் ஒன்றாக இது உருவெடுக்கக்கூடும் என சர்வதேச விஞ்ஞானிகள் கணித்துள்ளனர்.