எலான் மஸ்க் நிறுவிய SpaceX தனது IPO (Initial Public Offering) தாக்கலை அமெரிக்காவில் வெளியிட்டுள்ளது.
இதன் மூலம் பங்குச் சந்தையில் பொதுமக்கள் SpaceX பங்குகளை வாங்கும் வாய்ப்பு கிடைக்கிறது. IPO வெற்றிகரமாக நடந்தால், இது Wall Street வரலாற்றில் மிகப்பெரிய IPO ஆகும்.
SpaceX-ன் மதிப்பீடு தற்போது 1.25 டிரில்லியன் டொலர் என கணக்கிடப்பட்டுள்ளது.
மஸ்க் நிறுவனத்தில் பெரும்பங்கு வைத்திருப்பதால், IPO-வின் மூலம் அவரது சொத்து மதிப்பு 600 பில்லியன் டொலரை தாண்டி, மொத்தமாக 1 டிரில்லியன் டொலரை எட்டும் வாய்ப்பு உள்ளது. இதனால் அவர் உலகின் முதல் டிரில்லியனர் ஆகலாம்.
SpaceX கடந்த ஆண்டு 18.6 பில்லியன் டொலர் வருவாய் ஈட்டியிருந்தாலும், 4.9 பில்லியன் டொலர் நட்டம் ஏற்பட்டது. இந்த ஆண்டு முதல் மூன்று மாதங்களில் 4.7 பில்லியன் டொலர் விற்பனை செய்தாலும், 4.3 பில்லியன் டொலர் நட்டம் ஏற்பட்டுள்ளது.
நிறுவனத்தின் சொத்து மதிப்பு 102 பில்லியன் டொலர், ஆனால் கடன் 60.5 பில்லியன் டொலர் என IPO தாக்கலில் குறிப்பிடப்பட்டுள்ளது.
SpaceX-ன் Starlink செயற்கைக்கோள் இணைய சேவை மற்றும் மீண்டும் பயன்படுத்தக்கூடிய ரொக்கெட் தொழில்நுட்பம் உலகளாவிய முன்னிலை வகிக்கிறது.
IPO தாக்கலில், AI தொடர்பான சட்ட சிக்கல்கள், xAI chatbot-ஐச் சுற்றியுள்ள வழக்குகள், மற்றும் OpenAI-க்கு எதிரான மஸ்க் வழக்குகள் பற்றிய விவரங்களும் இடம்பெற்றுள்ளன.
இந்த IPO, அடுத்த மாதம் SPCX என்ற குறியீட்டில் Nasdaq-இல் பட்டியலிடப்படும்.
