ஆப்பிள் நிறுவனம் தனது புதிய AirPods Max 2 ஹெட்போன்களை அறிமுகப்படுத்தியுள்ளது.
H2 சிப் மூலம் இயங்கும் இந்த ஹெட்போன்கள், 1.5 மடங்கு அதிகமான Active Noise Cancellation (ANC) திறன், மேம்பட்ட ஒலி தரம் மற்றும் பல புத்திசாலித்தனமான அம்சங்களுடன் வருகிறது.
AirPods Max 2-இல் Adaptive Audio, Conversation Awareness, Voice Isolation, மற்றும் Live Translation போன்ற புதிய அம்சங்கள் சேர்க்கப்பட்டுள்ளன. இதன் மூலம் பயனர்கள் சுற்றுப்புற சூழலுக்கு ஏற்ப தானாகவே ஒலி அனுபவத்தை மாற்றிக் கொள்ளலாம்.
மேலும், ஸ்டூடியோ தரத்திலான ஆடியோ பதிவு மற்றும் கமெரா ரிமோட் வசதி, பாட்காஸ்டர்கள் மற்றும் Content Creator-களுக்கு பெரும் உதவியாக இருக்கும்.
More Read
ஒலி தரத்தில், புதிய high dynamic range amplifier மற்றும் Spatial Audio தொழில்நுட்பம் இணைக்கப்பட்டுள்ளதால், இசை, திரைப்படம் மற்றும் விளையாட்டுகளில் மிகத் தெளிவான, இயல்பான அனுபவத்தை வழங்குகிறது. USB-C கேபிள் மூலம் 24-bit, 48 kHz lossless audio ஆதரவு கிடைக்கிறது.
இந்தியாவில் AirPods Max 2-வின் விலை ரூ.67,900 என அறிவிக்கப்பட்டுள்ளது. Midnight, starlight, orange, purple, blue ஆகிய நிறங்களில் கிடைக்கும் இந்த ஹெட்போனை மார்ச் 25 முதல் முன்பதிவு செய்யலாம்.
மேலும், சுற்றுச்சூழல் பாதுகாப்பை கருத்தில் கொண்டு, AirPods Max 2-இல் 100 சதவீதம் மறுசுழற்சி செய்யப்பட்ட பொருட்கள் பயன்படுத்தப்பட்டுள்ளன.
