OpenAI நிறுவனம் தனது ChatGPT-க்கு புதிய Apple Messages பிளகினை (Plug-in) அறிமுகப்படுத்தியுள்ளது.
இதன் மூலம் பயனர்கள் தங்களின் iPhone-ல் உள்ள Messages பயன்பாட்டை ChatGPT-உடன் இணைத்து, AI மூலம் நேரடியாக SMS-களை அனுப்பவும், பதிலளிக்கவும் முடியும்.
இந்த பிளகின் மூலம், ChatGPT உங்கள் பழைய உரையாடல்களை அடிப்படையாகக் கொண்டு தானாகவே பதில்களை பரிந்துரைக்கும்.
தேவையற்ற செய்திகளை நீக்கவும், பழைய மெசேஜ்களை எளிதில் தேடவும் உதவும். மேலும், Codex மற்றும் ChatGPT Work ஆகியவற்றுடன் இணைந்து, தனிப்பட்ட மற்றும் தொழில்நுட்ப பயன்பாட்டிற்கும் ஏற்றதாக வடிவமைக்கப்பட்டுள்ளது.
இந்த பிளகின் உங்கள் சாதனத்தில் மட்டும் இயங்கும். முழுமையான மெசேஜ் தரவுத்தளத்தை உருவாக்காது என OpenAI தெரிவித்துள்ளது.
இருப்பினும், TechCrunch அறிக்கையில், தனியுரிமை தொடர்பான சில கேள்விகள் இன்னும் தெளிவாக இல்லை என குறிப்பிடப்பட்டுள்ளது.
குறிப்பாக “persistent approval” எனப்படும் விருப்பத்தை இயக்கினால், AI அனுப்பும் செய்திகளை பயனர் இறுதியாக சரிபார்க்கும் வாய்ப்பு இல்லாமல் போகும் அபாயம் உள்ளது.
இந்த புதிய வசதி, AI-ஐ அன்றாட வாழ்க்கையில் மேலும் நெருக்கமாக இணைக்கும் முயற்சியாக பார்க்கப்படுகிறது.
வசதியானதாக இருந்தாலும், பயனர்கள் தங்களின் தனியுரிமை மற்றும் கட்டுப்பாட்டை கவனமாக பராமரிக்க வேண்டும் என்பதும் முக்கியம்.
