தென் ஆப்பிரிக்க அணிக்கு எதிரான கடைசி டி20 போட்டியில் மேற்கிந்திய தீவுகள் 6 ஓட்டங்கள் வித்தியாசத்தில் வெற்றி பெற்றது.
ஹோப், ஹெட்மையர் மிரட்டல்
மேற்கிந்திய தீவுகள் மற்றும் தென் ஆப்பிரிக்க அணிகளுக்கு இடையிலான 3வது மற்றும் கடைசி டி20 போட்டி ஜோஹன்ஸ்பெர்க்கில் நடந்தது.
மைதானத்தைச் சுற்றி மின்னல் காணப்பட்டதால் போட்டி தொடங்க தாமதமானது. பின்னர் 10 ஓவர்கள் கொண்ட போட்டியாக மாற்றப்பட்டது.
முதலில் ஆடிய மேற்கிந்திய தீவுகள் 10 ஓவர்களில் 3 விக்கெட்டுகள் இழப்பிற்கு 114 ஓட்டங்கள் குவித்தது. ஷாய் ஹோப் 48 (25) ஓட்டங்களும், சிம்ரான் ஹெட்மையர் 48 (22) ஓட்டங்களும் விளாசினர்.
DLS முறையில் வெற்றி
DLS முறைப்படி தென் ஆப்பிரிக்க அணிக்கு 125 ஓட்டங்கள் வெற்றி இலக்காக மாற்றியமைக்கப்பட்டது. பின்னர் களமிறங்கிய தென் ஆப்பிரிக்க அணியில் டி காக் 14 பந்துகளில் 28 ஓட்டங்களும், ஜேசன் ஸ்மித் 10 பந்துகளில் 26 ஓட்டங்களும் விளாசினர்.
ஏனைய வீரர்களும் ஓட்டங்கள் சேர்க்க, தென் ஆப்பிரிக்க அணி 10 ஓவர்களில் 6 விக்கெட்டுகள் இழப்பிற்கு 118 ஓட்டங்கள் குவித்தது. மோட்டி 3 விக்கெட்டுகள் கைப்பற்றினார்.
இதனால் 6 ஓட்டங்கள் வித்தியாசத்தில் மேற்கிந்திய தீவுகள் ஆறுதல் வெற்றி பெற்றது. குயின்டன் டி காக் (Quinton de Kock) தொடர் நாயகன் விருது பெற்றார்.
