அபிவிருத்தி திட்டங்கள், நிதி ஒதுக்கீடுகள் உள்ளிட்ட 11 அமைச்சரவை தீர்மானங்கள்

இருப்பினும், வண்டல் படிவுகள், கட்டமைப்பு பலவீனங்கள் மற்றும் காலநிலை மாற்றங்கள் காரணமாக இந்த அமைப்புகள் பாதிக்கப்பட்டுள்ளன.

இதனை நிவர்த்தி செய்யும் வகையில், சிறு கிராமிய நீர்ப்பாசனத் திட்டங்களை மையமாகக் கொண்டு ‘பாசன மகிமை – எமது மரபுரிமை’ எனும் தேசிய திட்டத்தைச் செயல்படுத்தத் தீர்மானிக்கப்பட்டுள்ளது.

இதற்காக 2026 ஆம் ஆண்டு வரவு செலவுத் திட்டத்தின் ஊடாக 1,000 மில்லியன் ரூபா நிதி ஒதுக்கப்பட்டுள்ளதுடன், இத்திட்டத்தை முன்னெடுக்க அமைச்சரவை அங்கீகாரம் வழங்கியுள்ளது.

——————————————————————————–

6. மத்திய அதிவேக நெடுஞ்சாலையின் 3ஆம் பகுதிக்கான ஒப்பந்தக்காரர்கள் தெரிவு
– ரம்புக்கனை முதல் கலகெதர வரையான 18.65 கி.மீ தூரத்தை அபிவிருத்தி செய்ய 111 பில்லியன் ரூபா முதலீடு

மத்திய அதிவேக நெடுஞ்சாலையின் 3 ஆம் பகுதியின் 2 ஆம் கட்டத்தின் கீழ் (ரம்பூக்கனை முதல் கலகெதர வரை), கி.மீ 13+800 முதல் 32+450 வரையான பகுதியை நிர்மாணிக்கத் தீர்மானிக்கப்பட்டுள்ளது.

இதற்கான ஒப்பந்தங்கள் 07 தொகுப்புகளாகப் பிரிக்கப்பட்டு, உள்நாட்டு ஒப்பந்தக்காரர்களிடையே போட்டி விலைமனுக்கள் கோரப்பட்டன.

இதன்படி பின்வரும் நிறுவனங்களுக்கு ஒப்பந்தங்களை வழங்க அமைச்சரவை அனுமதி அளித்துள்ளது:

• 2A தொகுப்பு: 14.90 பில்லியன் ரூபா – மாகா இன்ஜினியரிங் (Maga Engineering)
• 2B தொகுப்பு: 14.71 பில்லியன் ரூபா – கே.பி.ஏ.வீரசிங்க அண்ட் கம்பனி (K.B.A.Weerasinghe)
• 2C தொகுப்பு: 14.12 பில்லியன் ரூபா – இன்டர்நேஷனல் கன்ஸ்ட்ரக்ஷன் கன்சோடியம் (ICC)
• 2D தொகுப்பு: 16.39 பில்லியன் ரூபா – நெம் கன்ஸ்ட்ரக்ஷன் (Nem Construction)
• 2E தொகுப்பு: 18.70 பில்லியன் ரூபா – அக்சஸ் இன்ஜினியரிங் (Access Engineering)
• 2F தொகுப்பு: 14.52 பில்லியன் ரூபா – எட்வெட் அண்ட் கிறிஸ்டி (Edward and Christie)
• 2G தொகுப்பு: 19.10 பில்லியன் ரூபா – மாகா இன்ஜினியரிங் (Maga Engineering)

——————————————————————————–

7. 8.65 இலட்சம் மெரொபெனம் ஊசி மருந்துகளை இந்தியாவின் யுனைடெட் பயோடெக் நிறுவனத்திடம் கொள்வனவு செய்ய அனுமதி
– தீவிர பக்டீரியா தொற்று சிகிச்சைக்குத் தேவையான மருந்துகளை 9 இலட்சம் டொலர் செலவில் வாங்க முடிவு

தீவிர பக்டீரியா தொற்றுக்களுக்கான சிகிச்சைக்குப் பயன்படுத்தப்படும் மெரொபெனம் கிராம் 01 (Meropenem 1g) ஊசி மருந்துகளுக்கு நாட்டில் அதிக கேள்வி நிலவுகிறது.

இதற்கமைய, ஏற்கனவே கொள்வனவு செய்யத் தீர்மானிக்கப்பட்ட மருந்துகளுக்கு மேலதிகமாக மேலும் 865,000 ஊசி மருந்துப் குப்பிகளைக் கொள்வனவு செய்ய மருத்துவ வழங்கல் பிரிவு கோரிக்கை விடுத்துள்ளது.

இதற்கான ஒப்பந்தம் இந்தியாவின் United Biotech (Pvt) Ltd நிறுவனத்திற்கு, ஒரு குப்பி 1.05 அமெரிக்க டொலர் வீதம், போக்குவரத்துச் செலவுகளையும் சேர்த்து மொத்தம் 908,250 அமெரிக்க டொலர்களுக்கு வழங்க அமைச்சரவை அங்கீகாரம் அளித்துள்ளது.

——————————————————————————–

8. அரச ஈட்டு மற்றும் முதலீட்டு வங்கிச் சட்டத்தில் நவீன காலத்திற்கு ஏற்ற திருத்தங்கள்
– வங்கியின் செயல்பாடுகளை மேம்படுத்த 1975 ஆம் ஆண்டின் 13 ஆம் இலக்கச் சட்டத்தில் மாற்றம்

இலங்கை ஈட்டு வங்கி மற்றும் விவசாயக் கடன் கூட்டுத்தாபனத்தை ஒருங்கிணைத்து, 1975 ஆம் ஆண்டின் 13 ஆம் இலக்கச் சட்டத்தின் கீழ் அரச ஈட்டு மற்றும் முதலீட்டு வங்கி நிறுவப்பட்டது.

தற்போது நடைமுறையிலுள்ள சட்டத்திலுள்ள சில கட்டுப்பாடுகள் காரணமாக, வங்கி தனது இலக்குகளை அடையவும், தற்போதைய வணிகச் சூழலுக்கு ஏற்பச் செயல்படவும் சிரமங்களை எதிர்கொள்கிறது.

எனவே, வங்கியின் இலக்குகளை அடைவதற்கும் லாபத்தைப் பேணுவதற்கும் ஏதுவாகச் சட்டத்தில் தேவையான திருத்தங்களை மேற்கொள்ளவும், அதற்கான சட்டமூலத்தைத் தயாரிக்கச் சட்ட வரைஞருக்கு அறிவுறுத்தவும் அமைச்சரவை அனுமதி வழங்கியுள்ளது.

——————————————————————————–

9. விலங்குகள் சட்டத்தின் கீழ் பன்றி மற்றும் ஆடுகளையும் உள்ளடக்கத் தீர்மானம்
– 1958 ஆம் ஆண்டின் 29 ஆம் இலக்க விலங்குகள் சட்டத்தில் விசேட திருத்தம்

தற்போதுள்ள விலங்குகள் சட்டத்தின் கீழ் ‘விலங்கு’ எனும் வரைவிலக்கணத்தில் பசு மாடு மற்றும் எருமை மாடுகள் மட்டுமே உள்ளடக்கப்பட்டுள்ளன.

இந்நிலையில், இந்தப் பட்டியலில் பன்றி, ஆடு மற்றும் செம்மறியாடு ஆகிய விலங்குகளையும் மேலதிகமாகச் சேர்ப்பதற்கு அமைச்சரவை கொள்கை ரீதியான அங்கீகாரம் வழங்கியுள்ளது.

இது தொடர்பான சட்டமூலத்தை மூன்று மொழிகளிலும் தயாரிக்கச் சட்ட வரைஞருக்கு அறிவுறுத்தப்பட்டுள்ளதுடன், அதனை அரசாங்க வர்த்தமானியில் வெளியிட்டுப் பின்னர் நாடாளுமன்றத்தில் சமர்ப்பிக்கவும் அனுமதி அளிக்கப்பட்டுள்ளது.

——————————————————————————–

10. பெண்களுக்கு எதிரான மற்றும் சிறுவர் துஷ்பிரயோகக் குற்றங்களுக்கான தண்டப்பணம் 1 இலட்சம் ரூபாவாக அதிகரிப்பு
– 1956 ஆம் ஆண்டின் 47 ஆம் இலக்கச் சட்டத்தில் திருத்தம் செய்ய அரசாங்கம் நடவடிக்கை

பெண்கள், இளம் ஆட்கள் மற்றும் சிறுவர்களை வேலைக்கு அமர்த்துவது தொடர்பான சட்டத்தின் கீழ் குறிப்பிடப்பட்டுள்ள குற்றங்களுக்கு விதிக்கப்படும் தண்டப்பணத்தைச் சமகாலத்திற்குப் பொருத்தமான வகையில் அதிகரிக்கத் தீர்மானிக்கப்பட்டுள்ளது.

இதன்படி, ஏற்கனவே நிலவும் சட்டத்தின் 7(3), 13(2) மற்றும் 20(அ)(3) ஆம் பிரிவுகளின் கீழ் குறிப்பிடப்பட்டுள்ள குற்றங்களுக்கான தண்டப்பணத்தை 10,000/- ரூபாவிலிருந்து 100,000/- ரூபாவாக அதிகரிக்க அமைச்சரவை அனுமதி வழங்கியுள்ளது.

இதற்கான சட்டமூலத்தை வர்த்தமானியில் வெளியிட்டு நாடாளுமன்றத்தில் சமர்ப்பிக்கத் தொழில் அமைச்சர் முன்வைத்த யோசனைக்கு அங்கீகாரம் கிடைத்துள்ளது.

——————————————————————————–

11. மதுபானப் பாதுகாப்பு அடையாளக் குறியீட்டு முகாமைத்துவத்திற்காக புதிய சர்வதேச சேவை வழங்குநர் தெரிவு
– மதுவரித் திணைக்களத்தின் பாதுகாப்பு அம்சங்களை வலுப்படுத்த 5 ஆண்டுகால ஒப்பந்தம்

மதுபான உற்பத்திகளுக்குப் பாதுகாப்பு அடையாளக் குறியீடுகளை (Security Labels/Stamps) இடுவதற்கான சட்ட ரீதியான ஏற்பாடுகள் 2018 ஆம் ஆண்டு அறிமுகப்படுத்தப்பட்டன.

தற்போது இந்தப் பணிகளில் ஈடுபட்டுள்ள நிறுவனத்தின் ஒப்பந்தம் 2027 ஜனவரி 01 ஆம் திகதியுடன் நிறைவடையவுள்ளது.

இதற்கமைய, அடுத்த 05 ஆண்டுகாலத்திற்கு மதுபானப் பாதுகாப்பு அடையாளக் குறியீடுகள் மற்றும் மேலாண்மை முறைமைக்கான சேவைகளை வழங்கக்கூடிய தகுதியான நிறுவனத்தைச் சர்வதேச போட்டி விலைமனு கோரல் ஊடாகத் தெரிவு செய்யத் தீர்மானிக்கப்பட்டுள்ளது.

இதற்கான கொள்முதல் பணிகளை ஆரம்பிக்க நிதி அமைச்சராக ஜனாதிபதி அவர்கள் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.