பொதுவாக குடும்பத்துடன் நேரம் செலவிடவும், அமைதியாக இருக்கவும் பலர் கடற்கரைகளுக்கு செல்ல விரும்புகிறார்கள்.
அந்தவகையில், உலகின் மிக நீளமான கடற்கரை எந்த நாட்டில் உள்ளது என்பது குறித்து பார்க்கலாம்.
அதன்படி, உலகின் மிக நீளமான கடற்கரை கனடா நாட்டில் உள்ளது. இதன் மொத்த நீளம் சுமார் 202,080km ஆகும்.
வட அமெரிக்காவின் மிகப்பெரிய நாடான கனடாவின் கடற்கரை, சுற்றுலா மற்றும் வணிக வளர்ச்சிக்கு முக்கிய பங்காற்றுகிறது.
கனடாவின் பெரும்பகுதி ஆர்க்டிக் வட்டத்திற்கு அருகில் அமைந்துள்ளது.
கனடாவின் மூன்று பக்கங்களிலும் கிழக்கில் அட்லாண்டிக் பெருங்கடல், மேற்கில் பசிபிக் பெருங்கடல் மற்றும் வடக்கில் ஆர்க்டிக் பெருங்கடல் ஆகியவை எல்லையாக உள்ளது.
இந்த கடற்கரையின் நீளம் மிகவும் அதிகமாக இருப்பதால், ஒருவர் தினமும் 30km நடந்தாலும் முழு கடற்கரையையும் கடக்க 18 ஆண்டுகளுக்கும் மேலாகும் என கூறப்படுகிறது.
கனடாவின் கடற்கரை பகுதியில் ஆயிரக்கணக்கான தீவுகள், சிற்றோடைகள் மற்றும் பல்வேறு இயற்கை சூழல்கள் உள்ளன.
மேலும், வனவிலங்குகள் மற்றும் இயற்கை அழகு காரணமாக இந்த பகுதி உலகம் முழுவதும் பிரபலமாக உள்ளது.
