அமெரிக்க ஜனாதிபதி டொனால்ட் டிரம்பால் பொருளாதார அவசரகாலச் சட்டத்தின் கீழ் விதிக்கப்பட்ட வரிகள் சட்டவிரோதமானவை என்று அமெரிக்க உச்ச நீதிமன்றம் வெள்ளிக்கிழமை தீர்ப்பளித்துள்ளது.
175 பில்லியன் டொலர்
அமெரிக்க உச்ச நீதிமன்றம் அளித்துள்ள இந்த தீர்ப்பானது ட்ரம்பிற்கு பெரும் பின்னடைவாகவே பார்க்கப்படுகிறது. வரி விதிப்பு என்ற ஆயுதத்தால், பல நாடுகளை மிரட்டி அமெரிக்கா தங்களுக்கு சாதகமான ஒப்பந்தங்களையும் செய்து கொண்டுள்ளது.
மட்டுமின்றி, 200 சதவீத வரி விதிக்கப்படும் என மிரட்டல் விடுத்தே, இந்தியா – பாகிஸ்தான் போரை முடிவுக்கு கொண்டு வந்துள்ளதாகவும் ட்ரம்ப் வெளிப்படையாக கூறி இருந்தார்.
மேலும், ரஷ்ய எண்ணெய் வாங்குவதாலையே, இந்தியா மீது 25 சதவீத தண்டனை வரியையும் ட்ரம்ப் விதித்திருந்தார். இந்த நிலையில், தற்போது அமெரிக்கா இதுவரை வசூலித்துள்ள 175 பில்லியன் டொலர் மதிப்புள்ள சட்டவிரோத வரிகளை ட்ரம்ப் நிர்வாகம் எவ்வாறு திருப்பித் தரப் போகிறது என்ற கேள்வி எழுந்துள்ளது.
ஆனால் இந்த விவகாரத்தில் நீதிமன்றம் எந்த விளக்கமும் கூறவில்லை. இது தொடர்பில் பதிலளித்த ட்ரம்ப், அடுத்த ஐந்து ஆண்டுகளுக்கு நம்மை நீதிமன்றத்திற்கு அலைய வைத்துவிட்டார்கள் என குறிப்பிட்டுள்ளார்.
ட்ரம்பின் வரி விதிப்பு திட்டத்தின் அடிப்படையில் கிட்டத்தட்ட அனைத்து பொருட்களும் வரிகளுக்கு உட்பட்டதாகும், ஒரு இறக்குமதியாளர் சுங்க மற்றும் எல்லை பாதுகாப்பு முகமையுடன் ஒரு பத்திரத்தை இறுதி செய்துவிட்டு,
அமெரிக்காவிற்குள் கொண்டு வருவதற்காக வணிகப் பொருட்களின் மீது மதிப்பிடப்பட்ட வரியைச் செலுத்துகிறார். அந்தப் பொருட்களின் மீதான வரிகளை அரசாங்கம் இறுதி நிர்ணயம் செய்கிறது, இது liquidation எனப்படும் ஒரு செயல்முறையாகும், இது வழக்கமாக பொருட்கள் நுழைந்த 314 நாட்களுக்குப் பிறகு நடக்கும்.
அதிகப்படியான பணம் திரும்பப் பெறப்படும் அல்லது இறக்குமதியாளர் பற்றாக்குறையை ஈடுகட்ட வேண்டும். உச்ச நீதிமன்றம் இந்த வழக்கை பரிசீலித்துக்கொண்டிருந்தபோது, இறுதி வரி கொடுப்பனவுகளை நிர்ணயிக்கும் செயல்முறையை நிறுத்த முயற்சிக்க இறக்குமதியாளர்கள் அமெரிக்க சர்வதேச வர்த்தக நீதிமன்றத்தில் வழக்குத் தொடர்ந்தனர், ஆனால் அந்த நீதிமன்றம் அந்தக் கோரிக்கையை நிராகரித்தது.
1,000க்கும் மேற்பட்ட வழக்கு
தற்போது, ட்ரம்ப் வசூலித்துள்ள இந்த 175 பில்லியன் டொலர் வரிப்பணத்தை எவ்வாறு திரும்பக் கொடுப்பது என உச்ச நீதிமன்றம் குறிப்பிடாத நிலையில், பணத்தைத் திரும்பப் பெறுவது ஒரு குழப்பமாக இருக்க வாய்ப்புள்ளது என்பது வாய்மொழி வாதங்களில் ஒப்புக் கொள்ளப்பட்டது.
பணத்தைத் திரும்பப் பெறுவதற்காக வழக்கு தற்போது சர்வதேச வர்த்தக நீதிமன்றத்திற்குச் செல்லும். இறக்குமதியாளர்கள் வர்த்தக நீதிமன்றத்தில் பணத்தைத் திரும்பப் பெறக் கோரி 1,000க்கும் மேற்பட்ட வழக்குகளைத் தாக்கல் செய்துள்ளனர், மேலும் புதிய வழக்குகள் வெள்ளமென பாயவும் வாய்ப்புள்ளது.
இதனிடையே, இறுதி வரி நிர்ணயங்களை மீண்டும் விசாரிக்கவும், வட்டியுடன் பணத்தைத் திரும்ப அளிக்க அரசாங்கத்திற்கு உத்தரவிடவும் நீதிமன்றத்திற்கு அதிகாரம் இருப்பதாக டிசம்பர் மாதம் தீர்ப்பளித்தது.
More Read
இந்த விவகாரத்தில் ட்ரம்ப் நிர்வாகம் நீதிமன்றத்தில் மேல்முறையீடு செய்யாது என்று அதிகாரி ஒருவர் கூறியுள்ளார். இதனால், சட்டச்சிக்கல் எதுவும் இந்த விவகாரத்தில் இல்லை என்றே வர்த்தக நிபுணர்கள் குறிப்பிடுகின்றனர். ஆனால் நடைமுறைக்கு கொண்டுவர பல வருடங்களாகலாம் என்றே வர்த்தக் குழுக்களின் எச்சரிக்கையாக உள்ளது.
