சீனாவிற்கான அடுத்த இந்திய தூதராக தமிழரான விக்ரம் கே. துரைசாமி நியமிக்கப்பட்டுள்ளதாக இந்திய வெளிவிவகார அமைச்சகம் அறிவித்துள்ளது.
தற்போது அவர், பிரித்தானியாவில் இந்தியாவின் உயர் ஆணையராக பணியாற்றிவருகிறார்.
1992-ஆம் ஆண்டு இந்திய வெளிநாட்டு சேவையில் (IFS) சேர்ந்த விக்ரம் துரைசாமி பல முக்கியமான தூதரக பொறுப்புகளை வகித்த அனுபவமிக்க அதிகாரியாவார்.
அவரது நியமனம், இந்தியா-சீனா உறவுகள் எல்லை பிரச்சினைகள் மற்றும் வர்த்தகம் தொடர்பான விவாதங்களுக்கு நடுவே நடைபெறுவதால் முக்கியத்துவம் பெறுகிறது.
விக்ரம் கே. துரைசாமி விரைவில் தனது புதிய பொறுப்பை ஏற்க உள்ளதாக இந்திய வெளிவிவகார அமைச்சகம் தெரிவித்துள்ளது.
விக்ரம் துரைசாமி முன்னதாக அமெரிக்கா, தென் ஆப்பிரிக்கா, வங்காளதேசம் உள்ளிட்ட பல்வேறு நாடுகளில் இந்திய தூதரக பணிகளில் ஈடுபட்டுள்ளார்.
அவரது அனுபவம், சீனாவுடன் இந்தியாவின் இருதரப்பு உறவுகளை மேம்படுத்த உதவும் என எதிர்பார்க்கப்படுகிறது.
இந்த நியமனம், இந்தியாவின் வெளிநாட்டு கொள்கையில் ஒரு முக்கியமான படியாக கருதப்படுகிறது. குறிப்பாக, சீனாவுடன் நிலவும் எல்லை பிரச்சினைகள் மற்றும் வர்த்தக உறவுகள் தொடர்பான பேச்சுவார்த்தைகளில் விக்ரம் துரைசாமியின் பங்கு முக்கியமாக இருக்கும்.
