ரஷ்ய ராணுவ விமானம் விபத்தில் சிக்கியதில் 29 பேர் உயிரிழந்துள்ளனர்.
ரஷ்ய விமான விபத்தில் 29 பேர் உயிரிழப்பு
ரஷ்யாவிற்கு சொந்தமான Antonov-26 என்ற ராணுவ போக்குவரத்து விமானம், 6 விமான ஊழியர்கள் மற்றும் 23 பயணிகளுடன் கிரிமியா தீவுக்கு மேலே பறந்து கொண்டிருந்தது.
ரஷ்யா நேரப்படி மார்ச் 31 ஆம் திகதி மாலை 6 மணியளவில் விமானத்துடனான தகவல் தொடர்பு துண்டிக்கப்பட்டுள்ளது.
இதனையடுத்து தேடல் மற்றும் மீட்பு குழுவினர் விமானம் விபத்திற்குள்ளான இடத்தை கண்டறிந்தனர். விமானத்தில் பயணித்த 6 விமான ஊழியர்கள் மற்றும் 23 பயணிகளும் உயிரிழந்து விட்டதாக பாதுகாப்பு அமைச்சகம் தெரிவித்துள்ளது.
விபத்திற்குள்ளான விமானத்தில் வெளிப்புறம் தாக்கம் இல்லை எனவும், இதனால் தொழில்நுட்ப காரணங்களால் விபத்து நேர்ந்திருக்கலாம் என நம்பப்படுகிறது. விபத்திற்கான காரணம் குறித்து விசாரணை மேற்கொள்ளப்பட்டு வருகிறது.
