ஸ்பெயின் அரசாங்கம் இஸ்ரேலுக்கான அதன் தூதரை திரும்பப் பெற முடிவு செய்துள்ளதாக உத்தியோகப்பூர்வ அரசு அறிக்கை தெரிவித்துள்ளது.
ரத்து செய்வதாக
காசா மீதான இஸ்ரேலின் இனப்படுகொலைப் போர் மற்றும் அமெரிக்கா மற்றும் இஸ்ரேல் தொடங்கிய ஈரான் மீதான போர் என இதுவரை கடுமையாக விமர்சித்து வந்த ஸ்பெயின், புதன்கிழமை இந்த அதிரடி நடவடிக்கையை முன்னெடுத்துள்ளது.
ஐரோப்பிய ஒன்றிய நாடுகளில் காஸா மற்றும் ஈரான் மீதான போரை இதுவரை முதன்மையான நாடுகள் எதுவும் ஸ்பெயின் போன்று வெளிப்படையாக விமர்சித்ததில்லை.
இந்த நிலையில், வெளியிடப்பட்டுள்ள அறிக்கையின் அடிப்படையில், வெளிவிவகார அமைச்சர், ஐரோப்பிய ஒன்றியம் மற்றும் ஒத்துழைப்பு ஆகியோரின் முன்மொழிவின் பேரிலும்,
மார்ச் 10, 2026 அன்று நடைபெற்ற அமைச்சர்கள் குழுவின் கூட்டத்தில் விவாதிக்கப்பட்டதன் அடிப்படையில், இஸ்ரேலுக்கான ஸ்பெயின் தூதராக செயல்பட்டுவரும் அனா மரியா சாலோமன் பெரெஸின் நியமனத்தை ரத்து செய்வதாக இதன் மூலம் உத்தரவிடுகிறேன் என குறிப்பிடப்பட்டுள்ளது.
இதனையடுத்து டெல் அவிவில் உள்ள ஸ்பெயின் தூதரகம் ஒரு பொறுப்பாளரின் தலைமையில் இயங்கும் என்றும் வெளிவிவகார அமைச்சக வட்டாரம் தெரிவித்துள்ளது.
நிரந்தரமாக தடை
ஈரான் மீதான அமெரிக்க-இஸ்ரேல் தாக்குதலை நியாயப்படுத்த முடியாதது என்று கண்டித்துள்ள ஐரோப்பாவின் சில தலைவர்களில் ஒருவரான பிரதமர் பெட்ரோ சான்செஸ் , போர் தேவையில்லை என்பதே ஸ்பெயின் நாட்டின் நிலைப்பாடு என்றும் குறிப்பிட்டுள்ளார்.
காஸாவில் இஸ்ரேலின் கொடூர நடவடிக்கையைத் தொடர்ந்து கண்டிக்கும் சில ஐரோப்பிய நாடுகளில் சான்செஸின் அரசாங்கமும் ஒன்றாகும். அக்டோபர் மாதம், ஸ்பெயினின் பாராளுமன்றம் இஸ்ரேல் மீது முழுமையான ஆயுதத் தடையை விதிக்கும் சட்டத்தில் ஒருங்கிணைத்தலை அங்கீகரித்தது,
இனப்படுகொலைக்கு பதிலளிக்கும் விதமாக ஆயுதங்கள், இரட்டை பயன்பாட்டு தொழில்நுட்பம் மற்றும் இராணுவ உபகரணங்களை விற்பனை செய்வதையும் நிரந்தரமாக தடை செய்தது.
இதனிடையே, ஹார்முஸ் நீரிணையில் கப்பல் போக்குவரத்தை அனுமதிக்க, இஸ்ரேல் மற்றும் அமெரிக்க தூதர்களை வெளியேற்றும் நாடுகளுக்கு முன்னுரிமை என ஈரான் அறிவித்திருந்ததும் குறிப்பிடத்தக்கது.
