ஈரான் போரால் ஹார்முஸ் நீரிணையில் கப்பல் போக்குவரத்து முடங்கியுள்ளதை அடுத்து, இந்தியாவிற்கு அடுத்த பேரிடியாக உரத்திற்கான தட்டுப்பாடு எற்படும் என்ற அதிர்ச்சி தகவல் வெளியாகியுள்ளது.
வாழ்வாதாரம்
ஏற்கனவே எண்ணெய் மற்றும் எரிவாயு தட்டுப்பாடு ஏற்பட்டுள்ள நிலையில், தற்போது உரமும் தட்டுப்பாடு எற்படும் என்றால், கடும் நெருக்கடி நிலை உருவாகும் என்றே கூறுகின்றனர்.
விவசாயத்தை பெரிதும் நம்பியுள்ள பொருளாதாரத்தில் இது வேலை மற்றும் வாழ்வாதாரங்களையும் பாதிக்கும் என்றே அஞ்சப்படுகிறது. ஈரான் மீதான போரால் இந்தியாவில் விநியோக ஏற்ற இறக்கத்தில் தாக்கம் ஏற்பட்டுள்ளது.
பெட்ரோல் மற்றும் டீசல் ரேஷன் குறித்த அச்சத்திலிருந்து 33 கோடிக்கும் அதிகமான குடும்பங்கள் மற்றும் லட்சக்கணக்கான உணவகங்கள் பயன்படுத்தும் எரிவாயு சிலிண்டர்களின் பற்றாக்குறை வரை இது வழிவகுத்துள்ளது.
ஹார்முஸ் வழியாக கச்சா எண்ணெய் விநியோகத்தில் ஏற்படக்கூடிய சரிவுகள், ரஷ்யாவிலிருந்து அதிகரித்த கொள்முதல்களால் ஈடுசெய்யப்படும் என்று எதிர்பார்க்கப்படுகிறது.
எரிவாயு பற்றாக்குறை இருப்பதை இதுவரை உறுதி செய்யாத இந்திய அரசாங்கம், எரிவாயு சிலிண்டர்களின் உற்பத்தியை அதிகரிக்கவும் உத்தரவிட்டுள்ளது.
இந்த நிலையில், போர் மற்றும் ஹார்முஸ் நீரிணை முடக்கம் காரணமாக உர விநியோக சீர்குலைவுகளுக்கு இந்தியா 20 முதல் 25 சதவீதம் வரை ஆளாகியுள்ளதாக தரவுகள் தெரிவிக்கின்றன.
மட்டுமின்றி கச்சா எண்ணெய் போலவே, ஐக்கிய அரபு அமீரகம், கத்தார், சவுதி அரேபியா மற்றும் ஓமன் நாடுகளில் இருந்து ஹார்முஸ் வழியாக உரமும் இந்தியாவிற்கு வர வேண்டும்.
ரஷ்யா மற்றும் சீனா
இந்தியாவில் விவசாயத் துறையின் முக்கியத்துவத்தைக் கருத்தில் கொண்டால், இது ஒரு சிறிய குறைபாடல்ல. இந்தியாவின் நைட்ரஜன் உர இறக்குமதியில் 63 சதவீதம், இதில் யூரியா மற்றும் அம்மோனியாவும் அடங்கும், 32 சதவீதம் டிஏபி அல்லது டை-அம்மோனியம் பாஸ்பேட் இந்த நாடுகளிலிருந்தே வருகிறது.
இந்தியாவின் பொட்டாஷ் இறக்குமதியில் சவுதி அரேபியா 42 சதவீதத்தை கொண்டுள்ளது. கடந்த 2024ல் இந்தியா ஐக்கிய அரபு அமீரகம், சவுதி அரேபியா மற்றும் கத்தார் ஆகிய நாடுகளிலிருந்து 231 மில்லியன் அமெரிக்க டொலர் மதிப்புள்ள யூரியாவை வாங்கியது.
ஈரானில் இருந்து வெறும் 2.59 மில்லியன் அமெரிக்க டொலர்கள் அளவில் மட்டுமே இறக்குமதி செய்துள்ளது. தற்போது ஏற்பட்டுள்ள நெருக்கடியை எதிர்கொள்ள மீண்டும் உக்ரைன் பக்கம் திரும்புவதே சிறந்த முடிவு என்கிறார்கள் நிபுணர்கள்.
ஆனால் போருக்கு முன்பு கூட யூரியா இறக்குமதி மிகக் குறைவாகவே இருந்தது. மேலும், உரம் இறக்குமதியில் சீனாவை சார்ந்திருப்பதைக் குறைக்கவே வளைகுடா நாடுகளை நோக்கி இந்தியா நகர்ந்த போதிலும், ரஷ்யா மற்றும் சீனா ஆகியவை மிகவும் நடைமுறைச் சாத்தியக்கூறுகள் ஆகும். இரண்டும் ஹார்முஸ் நீரிணை முடக்கத்தில் சிக்காத நாடுகள் என்பது குறிப்பிடத்தக்கது.
