இந்தோனேசியாவில் விபத்தில் சிக்கிய அவுஸ்திரேலிய இளம் பெண்ணொருவர் கோமாவில் உயிருக்கு போராடி வருகிறார்.
பாலி தீவுக்கு சுற்றுலா
அவுஸ்திரேலியாவைச் சேர்ந்த அலிவியா ஜேன் காம்ப்பெல் (28) என்ற இளம் பெண் இந்தோனேசியாவின் பாலி தீவுக்கு சுற்றுலாவிற்காக சென்றுள்ளார்.
அங்கு குட்டாவில் உள்ள கடைகளுக்கு செல்லும் வழியில், அவரது மோட்டார் சைக்கிள் ஒரு லொறியுடன் மோதியதில் படுகாயமடைந்தார்.
வென்டிலேட்டரில் போராட்டம்
இதில் அவருக்கு கடுமையான மூளை காயம் மற்றும் இடுப்பு எலும்பு முறிவு ஏற்பட்டுள்ளது. இரண்டு குழந்தைகளின் தாயான அவர் வென்டிலேட்டரில் இருக்கிறார்.
மேலும் வரும் நாட்களில் அவர் இரண்டாவது அறுவை சிகிச்சைக்கு உட்படுத்தப்பட உள்ளார். அவரை அவுஸ்திரேலியாவிற்கு அழைத்து வர அலிவியாவின் குடும்பத்தினர் நம்புகிறார்கள்.
அவரது சகோதரி ரீஸ் எழுதிய பதிவில், ‘அவர் இன்னும் ஆபத்தான நிலையில் மருத்துவமனையில் இருக்கிறார். பேரழிவு தரும் மோட்டார் சைக்கிள் விபத்திற்குப் பிறகு ஒவ்வொரு நாளும் போராடி வருகிறார்’ என தெரிவித்துள்ளார்.
இதற்கிடையில், வெளியுறவு மற்றும் வர்த்தகத் துறை குடும்பத்திற்கு தூதரக உதவி வழங்குவதை உறுதிப்படுத்தியது.
More Read
