Hurun Global Rich List 2026 படி, உலகில் பில்லியனர்களின் எண்ணிக்கை 4,020-ஐ கடந்துள்ளது.
கடந்த ஆண்டு மட்டும் 578 பேர் புதிய பில்லியனர்களாக இணைந்துள்ளனர். அதாவது, தினமும் இரண்டு புதிய பில்லியனர்கள் உருவாகியுள்ளனர் என்பது சாதனை.
இந்த பட்டியலில் தொழில்நுட்ப துறையினர் முன்னிலை வகிக்கின்றனர். எலான் மஸ்க் (Elon Musk) 792 பில்லியன் டொலர் செல்வத்துடன் முதலிடத்தில் உள்ளார்.
Tesla மற்றும் SpaceX நிறுவனங்களின் மதிப்பு அதிகரித்ததால், அவரது செல்வம் 2026-ல் 89 சதவீதம் உயர்ந்துள்ளது. கடந்த 6 ஆண்டுகளில் ஐந்து முறை அவர் முதலிடத்தில் இருந்துள்ளார்.
இரண்டாவது இடத்தில் ஜெஃப் பெசோஸ் (Jeff Bezos) 300 பில்லியன் டொலர் செல்வத்துடன் உள்ளார். Amazon Web Services மற்றும் AI சேவைகள் அவரது செல்வத்தை உயர்த்தியுள்ளன.
3-வது இடத்தில் லாரி பேஜ் (Alphabet/Google) 271 பில்லியன் டொலர் செல்வத்துடன் முன்னேறியுள்ளார்.
More Read
4-ஆம் இடத்தில் லாரி எலிசன் (Oracle) 250 பில்லியன் டொலர், 5-ஆம் இடத்தில் வாரன் பஃபெட் (Berkshire Hathaway) 240 பில்லியன் டொலர், 6-ஆம் இடத்தில் மார்க் சுக்கர்பெர்க் (Meta) 234 பில்லியன் டொலர் செல்வத்துடன் அடுத்தடுத்த இடங்களில் உள்ளனர்.
7-வது இடத்தில் பெர்னார்ட் ஆர்னால்ட் (LVMH) 178 பில்லியன் டொலர் செல்வத்துடன் ஒரே ஐரோப்பியராக இடம்பெற்றுள்ளார்.
8-ஆம் இடத்தில் ஜென்சன் ஹுவாங் (Nvidia) 172 பில்லியன் டொலர் செல்வத்துடன் முதல் முறையாக பட்டியலில் இணைந்துள்ளார். AI சிப்கள் மற்றும் கணினி சக்திக்கு அதிகமான தேவை அவரது செல்வத்தை உயர்த்தியுள்ளது.
9-ஆம் இடத்தில் ஸ்டீவ் பால்மர் (Microsoft) 165 பில்லியன் டொலர், கடைசியாக 10-ஆம் இடத்தில் செர்கே பிரின் (Alphabet) 160 பில்லியன் டொலர் செல்வத்துடன் டாப் 10 பட்டியலை நிறைவு செய்கின்றனர்.
இந்த பட்டியல், உலகளாவிய செல்வம் எவ்வாறு தொழில்நுட்ப துறையில் அதிகமாகக் குவிகிறது என்பதை தெளிவாக காட்டுகிறது. AI, விண்வெளி, கிளவுட், டிஜிட்டல் பிளாட்ஃபார்ம்கள் ஆகியவை புதிய பில்லியனர்களை உருவாக்கும் முக்கிய காரணிகளாக உள்ளன.
