அமெரிக்க தாக்குதலில் காமெனி கொல்லப்பட்டால், ஈரானை வழிநடத்த லாரிஜானியை நியமித்துள்ளதாக கூறப்படுகிறது.
காமெனி கொல்லப்பட்டால்..
ஈரானில் கடந்த சில மாதங்களாகவே அரசுக்கு எதிரான உள்நாட்டு போராட்டம் நடைபெற்று வருகிறது.
அதேவேளையில், ஈரான் மீது தாக்குதல் நடத்தும் நோக்கில் மத்திய கிழக்கில் அமெரிக்கா தனது விமானம் தாங்கி போர் கப்பல்களை குவித்து வருகிறது.
விரைவில் ஈரான் மீது இஸ்ரேல் மற்றும் அமெரிக்கா இணைந்து தாக்குதல் நடத்தும் சூழல் நிலவி வருகிறது.
குறிப்பாக, ஈரான் உச்சத்தலைவர் அலி காமெனியை கொலை செய்து விட்டு, ஆட்சி மாற்றத்திற்கு திட்டமிடுவதாகவும் கூறப்படுகிறது.
More Read
காமெனி தன்னால் நியமிக்கப்பட்ட இராணுவ கட்டளை மற்றும் அரசாங்கப் பதவிகள் ஒவ்வொன்றிற்கும் 4 அடுக்கு வாரிசுத் திட்டத்தை நிறுவியுள்ளதாகவும், 4 மாற்றுப் பணியாளர்களை நியமிக்கவும் மூத்த அதிகாரிகளுக்கு அவர் அறிவுறுத்தியுள்ளதாக கூறப்படுகிறது.
ஒருவேளை தான் கொல்லப்பட்டால், ஈரானின் அரசியல் கட்டமைப்பை பாதுகாக்கவும், போர்க்கால தற்செயல்களை நிர்வகிக்கவும் அலி லாரிஜானியை(ali larijani) தற்காலிக தலைவராக நியமித்துள்ளதாக தகவல் வெளியாகியுள்ளது.
அவருக்கு அடுத்த இடத்தில், நாடாளுமன்ற சபாநாயகர் ஜெனரல் கலிபாஃப் மற்றும் முன்னாள் ஜனாதிபதி ஹசன் ரூஹானி ஆகியோர் உள்ளனர்.
லாரிஜானி, காமெனியின் வாரிசாக இல்லாமல் இருந்தாலும், அவரின் நம்பகமான மூத்த ஆலோசகராக உள்ளார்.
அலி லாரிஜானி
67 வயதான அலி லாரிஜானி, தற்போது ஈரானின் உச்ச தேசிய பாதுகாப்பு கவுன்சிலின் (SNCS) செயலாளராக பணியாற்றி வருகிறார்.
More Read
இஸ்லாமிய புரட்சிகர காவல்படையின் (IRGC) நிறுவன உறுப்பினரான லாரிஜானி, ஈரான் இஸ்லாமியக் குடியரசு ஒளிபரப்பின் தலைவர், 2008 முதல் 2020 வரை நாடாளுமன்ற சபாநாயகர் உள்ளிட்ட பல்வேறு முக்கிய பொறுப்புகளை வகித்துள்ளார்.
சமீபத்திய ஈரான் அரசுக்கு எதிரான உள்நாட்டு போராட்டங்களை ஒடுக்குவதில் லாரிஜானி முக்கிய பங்கு வகிக்கிறார்.
அமெரிக்கா ஈரான் இடையே நடைபெற்று வரும் அணுசக்தி பேச்சுவார்த்தைகளை லாரிஜானி மேற்பார்வையிடுகிறார்.
உள்நாட்டு நிர்வாகம் மற்றும் ஈரானின் பாதுகாப்பு மூலோபாயத்தை வழிநடத்துவதில் முக்கிய நபராக லாரிஜானி உள்ளார்.
