ருத்ரதாண்டவமாடிய ஸ்ம்ரிதி மந்தனா! அவுஸ்திரேலிய மண்ணிலேயே தொடரை கைப்பற்றிய மகளிர் படை

முதலில் களமிறங்கிய இந்திய அணியில், ருத்ரதாண்டவம் ஆடிய ஸ்ம்ரிதி மந்தனா (Smriti Mandhana) 55 பந்துகளில் 82 ஓட்டங்கள் (3 சிக்ஸர், 8 பவுண்டரிகள்) விளாசினார்.

ஜெமிமா ரோட்ரிகஸ் (Jemimah Rodrigues) 46 பந்துகளில் 4 பவுண்டரிகளுடன் 59 ஓட்டங்கள் விளாச, இந்தியா 6 விக்கெட்டுகள் இழப்பிற்கு 176 ஓட்டங்கள் குவித்தது.

பின்னர் களமிறங்கிய அவுஸ்திரேலிய அணி 20 ஓவர்களில் 9 விக்கெட்டுகள் இழப்பிற்கு 159 ஓட்டங்கள் எடுத்தது.

தொடரை கைப்பற்றிய இந்தியா

இதன்மூலம் இந்திய அணி 17 ஓட்டங்கள் வித்தியாசத்தில் வெற்றி பெற்றது. ஆஷலெய்க் கார்ட்னர் (Ashleigh Gardner) 45 பந்துகளில் 57 ஓட்டங்கள் விளாசினார்.

ஷ்ரேயங்கா பாட்டீல் மற்றும் ஸ்ரீசரணி தலா 3 விக்கெட்டுகளும், அருந்ததி ரெட்டி 2 விக்கெட்டுகளும் கைப்பற்றினர்.