அமெரிக்காவின் டெக்சாஸ் மாநிலம் டல்லாஸ் நகரைச் சேர்ந்த 12 வயது சிறுவன், தனது அறையிலேயே அணு இணைப்பு (Nuclear Fusion) உலை ஒன்றை உருவாக்கியுள்ளார்.
ஏடன் மெக்மில்லன் (Aiden McMillan) என்ற ஏழாம் வகுப்பு மாணவன், நான்கு ஆண்டுகள் ஆராய்ச்சி செய்து, இந்த சாதனையை நிகழ்த்தியுள்ளார்.
ஏடன், எட்டு வயதில் இருந்தபோதே அணு இயற்பியல் மற்றும் இணைப்பு ஆற்றல் குறித்த சிக்கலான கோட்பாடுகளைப் படிக்கத் தொடங்கினார்.
ஆரம்ப இரண்டு ஆண்டுகள் முழுவதும் அவர் கோட்பாடுகளை மட்டும் கற்றுக்கொண்டார். பின்னர் Launchpad எனப்படும் மாணவர்களுக்கு உதவும் அமைப்பின் ஆதரவுடன் கருவிகளைப் பயன்படுத்தி உலையை உருவாக்கினார்.
More Read
அணு இணைப்பு என்பது இரண்டு இலகு அணுக்கள் ஒன்றிணைந்து பெரிய அணுவாக மாறும் போது மிகப்பெரிய அளவு ஆற்றல் வெளிப்படும் செயல். இது சூரியனில் நடைபெறும் இயற்கை செயலாகும்.
பாரம்பரிய அணு உலைகளில் காணப்படும் நீண்டகால கதிரியக்க கழிவுகள் இல்லாமல், சுத்தமான மற்றும் முடிவில்லாத ஆற்றலை வழங்கும் திறன் இதற்கு உண்டு.
ஏடனின் முயற்சி, உலகம் முழுவதும் விஞ்ஞானிகள் கனவு காணும் சுத்தமான ஆற்றல் ஆராய்ச்சிக்கு ஒரு சிறிய ஆனால் முக்கியமான முன்னேற்றமாகக் கருதப்படுகிறது.
இளம் வயதிலேயே இத்தகைய சாதனை நிகழ்த்தியதால், அவர் “அணு ஆற்றல் வல்லுநர்” என பாராட்டப்படுகிறார்.
