மகிந்திரா லாஸ்ட் மைல் மோபிலிட்டி நிறுவனம், UDO எனப்படும் புதிய மின்சார ஆட்டோ ரிக்ஷாவை அறிமுகப்படுத்தியுள்ளது.
இதன் விலை ரூ.3.59 லட்சம் (அறிமுக சலுகை விலை) என நிர்ணயிக்கப்பட்டுள்ளது.
‘UDO’ என்ற பெயர், “பறக்க” என்ற அர்த்தம் கொண்ட ஹிந்தி சொல்லில் இருந்து பெறப்பட்டது.
விமான வடிவமைப்பை ஒத்த தோற்றத்துடன் உருவாக்கப்பட்ட இந்த மூன்று சக்கர வாகனம், 200 கிலோமீட்டர் வரை பயணிக்கும் திறன் கொண்டது.
More Read
11.7 kWh லித்தியம்-அயன் பேட்டரி, 10 kW சக்தி மற்றும் 52 Nm டார்க் வழங்கும் மோட்டார் ஆகியவை இதில் பொருத்தப்பட்டுள்ளன. இதன் அதிகபட்ச வேகம் மணிக்கு 55 km ஆகும்.
இந்த வாகனத்தில் Range, Ride, Race என மூன்று driving modes உள்ளன. மேலும், regenerative braking, hill hold assist, reverse throttle, creep function போன்ற நவீன வசதிகளும் இணைக்கப்பட்டுள்ளன.
ஓட்டுநருக்கான இருக்கை போட்டியாளர்களை விட 20 சதவீதம் தடிமனாகவும், பயணிகளுக்கான இருக்கைகள் கூடுதல் இடம் கொண்டதாகவும் வடிவமைக்கப்பட்டுள்ளது.
இதிலுள்ள Independent rear suspension மற்றும் dual fork front suspension ஆகியவை பயணத்தை சீராகச் செய்கின்றன.
மகிந்திரா, இந்த வாகனத்திற்கு 6 ஆண்டுகள் அல்லது 1.5 லட்சம் கி.மீ. வரை உத்தரவாதம் வழங்குகிறது. 1 லட்சம் கி.மீ. வரை இலவச சேவையும் வழங்கப்படுகிறது
மேலும், UDAY NXT திட்டத்தின் கீழ் ரூ.20 லட்சம் விபத்து காப்பீடு மற்றும் நிதி ஆலோசனை சேவைகளும் வழங்கப்படுகின்றன.
இந்த வாகனம், தெலங்கானாவின் ஜஹீராபாத் தொழிற்சாலையில் தயாரிக்கப்படுகிறது.
