ரம்ஜான் பண்டிகையை முன்னிட்டு இஸ்ரேல் அரசு பாலஸ்தீனியர்கள் அல்-அக்ஸா பள்ளிவாசலுக்குள் நுழைய தடை விதித்துள்ளது.
ஜெருசலேம் நகரில் அமைந்துள்ள அல்-அக்ஸா பள்ளிவாசல், உலக முழுவதும் உள்ள இஸ்லாமியர்களுக்கு மிக முக்கியமான புனிதத்தலமாகும்.
ஒவ்வொரு ஆண்டும் ரம்ஜான் காலத்தில் ஆயிரக்கணக்கான பாலஸ்தீனியர்கள் இங்கு தொழுகைக்காக கூடுகின்றனர்.
ஆனால், இஸ்ரேல் அரசு, பாதுகாப்பு காரணங்களைச் சுட்டிக்காட்டி, இந்த ஆண்டு பாலஸ்தீனியர்களின் நுழைவுக்கு தடைவிதித்துள்ளது.
More Read
இந்த நடவடிக்கைக்கு கடுமையாக எதிர்ப்பு தெரிவித்துள்ள பாலஸ்தீனிய அதிகாரிகள், “இது மத சுதந்திரத்தை மீறும் நடவடிக்கை” என்று கூறியுள்ளனர்.
“இஸ்ரேல், பாலஸ்தீனியர்களின் மத உரிமைகளை பறித்து, அரசியல் நோக்கத்திற்காக பயன்படுத்துகிறது” என அவர்கள் குற்றம்சாட்டியுள்ளனர்.
இஸ்ரேல் பாதுகாப்பு அமைச்சகம், “சமீபத்திய வன்முறை சம்பவங்களைத் தடுக்கும் வகையில் இந்த முடிவு எடுக்கப்பட்டுள்ளது. ரமலான் காலத்தில் பாதுகாப்பு சவால்கள் அதிகரிக்கும் என்பதால், முன்னெச்சரிக்கை நடவடிக்கையாக நுழைவு தடை விதிக்கப்பட்டுள்ளது” என்று விளக்கம் அளித்துள்ளது.
More Read
இந்த முடிவு, இஸ்ரேல்-பாலஸ்தீன் உறவுகளில் மேலும் பதற்றத்தை ஏற்படுத்தியுள்ளது.
அல்-அக்ஸா பள்ளிவாசலில் பாலஸ்தீன மக்களின் நுழைவைத் தடைசெய்துள்ள இஸ்ரேலின் முடிவு, மத சுதந்திரம், மனித உரிமைகள் மற்றும் அரசியல் பதற்றம் குறித்த சர்வதேச விவாதங்களை கிளப்பியுள்ளது.
