நேபாள அணிக்கு எதிரான டி20 உலகக்கிண்ணப் போட்டியில் இங்கிலாந்து 184 ஓட்டங்கள் குவித்தது.
சால்ட் சொதப்பல்
இங்கிலாந்து மற்றும் நேபாளம் அணிகளுக்கு இடையிலான டி20 உலகக்கிண்ணப் போட்டி, மும்பை வான்கடே மைதானத்தில் நடந்து வருகிறது.
நாணய சுழற்சியில் வென்ற இங்கிலாந்து துடுப்பாட்டத்தை தெரிவு செய்து களமிறங்கியது. பிலிப் சால்ட் 1 ரன்னில் ஷெர் மல்லா பந்துவீச்சில் ஆட்டமிழந்தார்.
பின்னர் பட்லர் ஜோஸ் பட்லர் 26 ஓட்டங்களிலும், பான்டன் 2 ஓட்டங்களிலும் ஆட்டமிழந்தனர். எனினும் ஜேக்கப் பெத்தெல், ஹாரி ப்ரூக் இருவரும் சிக்ஸர்களை பறக்கவிட அணியின் ஸ்கோர் ஜெட் வேகத்தில் உயர்ந்தது.
More Read
பெத்தெல் விளாசல்
ஜேக்கப் பெத்தெல் (Jacob Bethell) 35 பந்துகளில் 55 ஓட்டங்கள் (4 சிக்ஸர், 4 பவுண்டரிகள்) விளாசிய நிலையில் திபேந்திரா சிங் பந்துவீச்சில் ஆட்டமிழந்தார்.
More Read
அணித்தலைவர் ஹாரி ப்ரூக் 32 பந்துகளில் 3 சிக்ஸர், 4 பவுண்டரிகளுடன் 53 ஓட்டங்கள் குவித்து அவுட் ஆனார்.
அதன் பின்னர் வில் ஜேக்ஸ் அதிரடியாக 18 பந்துகளில் 39 ஓட்டங்கள் (4 சிக்ஸர்) விளாச, இங்கிலாந்து அணி 184 ஓட்டங்கள் குவித்தது.
திபேந்திரா சிங் ஐரி, நந்தன் யாதவ் தலா 2 விக்கெட்டுகளும், மல்லா மற்றும் லமிச்சேன் தலா ஒரு விக்கெட்டும் கைப்பற்றினர்.
