சிட்னி தண்டர் நிர்ணயித்த 181 ஓட்டங்களை இலக்கை பிரிஸ்பேன் ஹீட் அணி 16.2 ஓவரிலேயே எட்டி மிரட்டியது.
வார்னரின் அதிரடி அரைசதம்
பிரிஸ்பேன் ஹீட் மற்றும் சிட்னி தண்டர் அணிகளுக்கு இடையிலான பிக் பாஷ் லீக் போட்டி தி காபா மைதானத்தில் நடந்தது.
முதலில் களமிறங்கிய சிட்னி தண்டர் அணி, டேவிட் வார்னரின் அதிரடி அரைசதம் (82) மூலம் 180 ஓட்டங்கள் குவித்தது.
பின்னர் ஆடிய பிரிஸ்பேன் ஹீட் அணியில் உஸ்மான் கவாஜா (Usman Khawaja) மற்றும் ஜேக் வில்டர்மத் கூட்டணி வாணவேடிக்கை காட்டியது.
சம்பவம் செய்த கவாஜா
இவர்களின் பார்ட்னர்ஷிப் 23 பந்துகளில் 57 ஓட்டங்கள் விளாச, ஜேக் வில்டர்மத் (Jack Wildermuth) 39 (15) ஓட்டங்களில் ஆட்டமிழந்தார்.
அடுத்து வந்த மெக்ஸ்வீணி 12 ஓட்டங்களில் வெளியேற, கவாஜா அதிரடி அரைசதம் அடித்தார். அவர் 48 பந்துகளில் 3 சிக்ஸர், 7 பவுண்டரிகளுடன் 78 ஓட்டங்கள் குவித்து வெளியேறினார்.
எனினும், மேட் ரென்ஷா கடைசிவரை ஆட்டமிழக்காமல் 26 பந்துகளில் 42 ஓட்டங்கள் விளாச, பிரிஸ்பேன் அணி 16.2 ஓவர்களில் 183 ஓட்டங்கள் எடுத்து அபார வெற்றி பெற்றது.
