கனடாவில் வேலை அனுமதி (Work Permit) காலாவதியாகும் எண்ணிக்கை அதிகரித்துள்ளதால், சட்டபூர்வமான நிலையை இழக்கும் புலம்பெயர்ந்தவர்கள் பெருமளவில் உருவாகி வருகின்றனர்.
2025 இறுதிக்குள் சுமார் 10,53,000 வேலை அனுமதிகள் காலாவதியான நிலையில், 2026-ல் மேலும் 9,27,000 அனுமதிகள் முடிவடைய உள்ளன.
இந்தியர்களின் நிலை
இந்த வேலை அனுமதி (Work Permit) காலாவதியானவர்களில் குறைந்தது பாதி பேர் இந்தியர்கள் என மதிப்பிடப்படுகிறது.
Mississauga-வில் உள்ள குடிவரவு ஆலோசகர் கன்வர் சீரா கூறியதாவது: “2026 நடுப்பகுதிக்குள் கனடாவில் குறைந்தது 20 லட்சம் சட்டவிரோத குடியேற்றிகள் உருவாகலாம். அதில் இந்தியர்கள் மிகப்பெரிய பங்கை வகிப்பார்கள்” என தெரிவித்துள்ளார்.
More Read
காரணங்கள்
கனடா அரசு, தற்காலிக புலம்பெயர்வை (Temporary Immigration) குறைப்பதில் தீவிரமாக செயல்படுகிறது.
சர்வதேச மாணவர்கள், தற்காலிக தொழிலாளர்கள் ஆகியோருக்கான வாய்ப்புகள் குறைக்கப்பட்டுள்ளன.
புகலிட (Asylum) விண்ணப்பங்கள் பெருமளவில் நிராகரிக்கப்படுகின்றன.
சமூக விளைவுகள்
Greater Toronto Area (GTA) பகுதிகளில், சட்டபூர்வ நிலையை இழந்தவர்கள் காட்டுப்பகுதிகளில் கூடாரங்கள் அமைத்து வாழும் நிலை ஏற்பட்டுள்ளது.
சிலர் கணக்குகளில் வராமல் கையில் பணம் வாங்கிக்கொண்டு வேலைகள் செய்து வருகின்றனர்.
“Marriage of convenience” எனப்படும் போலி திருமணங்கள் மூலம் சட்டபூர்வ நிலையைப் பெற முயற்சிகள் நடக்கின்றன.
எதிர்ப்பு நடவடிக்கைகள்
Naujawan Support Network போன்ற தொழிலாளர் உரிமை அமைப்புகள், ஜனவரியில் போராட்டங்களை நடத்த திட்டமிட்டுள்ளன. இவர்களின் கோஷம்: “Good enough to work, good enough to stay” – வேலை செய்யத் தகுதியானவர்கள், இங்கே தங்கவும் தகுதியானவர்களே என்பதே இதன் பொருள்.
