பிக் பாஷ் லீக் போட்டியில் சிட்னி தண்டர் அணி 34 ஓட்டங்கள் வித்தியாசத்தில் பிரிஸ்பேன் ஹீட்டை வீழ்த்தியது.
சாம் கோன்ஸ்டஸ்
மனுகா ஓவல் மைதானத்தில் நடந்த போட்டியில் சிட்னி தண்டர் அணி முதலில் துடுப்பாடியது.
சாம் கோன்ஸ்டஸ் 63 (45) ஓட்டங்களும், மேத்யூ கில்ஸ் 76 (48) ஓட்டங்களும் விளாச சிட்னி தண்டர் அணி 193 ஓட்டங்கள் குவித்தது.
பெரிதும் எதிர்பார்க்கப்பட்ட அணித்தலைவர் டேவிட் வார்னர் (David Warner) 7 ஓட்டங்கள் மட்டுமே எடுத்து ஆட்டமிழந்தார்.
பின்னர் களமிறங்கிய பிரிஸ்பேன் ஹீட் அணி சீரான இடைவெளியில் ஷதாப் கான் பந்துவீச்சில் விக்கெட்டுகளை இழந்தது.
அபார வெற்றி
மேட் ரென்ஷா 43 (28) ஓட்டங்களும், ஹூக் வெய்ப்கென் 30 (26) ஓட்டங்களும் எடுக்க பிரிஸ்பேன் ஹீட் அணி 20 ஓவர்களில் 159 ஓட்டங்கள் மட்டுமே எடுத்தது.
இதன்மூலம் சிட்னி தண்டர் அணி 34 ஓட்டங்கள் வித்தியாசத்தில் அபார வெற்றி பெற்றது. மிரட்டலாக பந்துவீசிய ஷதாப் கான் (Shadab Khan) 4 விக்கெட்டுகளும், டேனியல் சாம்ஸ் 2 விக்கெட்டுகளும் வீழ்த்தினர்.
48 பந்துகளில் 3 சிக்ஸர், 4 பவுண்டரிகளுடன் 76 ஓட்டங்கள் விளாசிய மேத்யூ கில்க்ஸ் (Matthew Gilkes) ஆட்டநாயகன் விருது பெற்றார்.
