பொதுவாக தங்க நகைகளை அனைவருமே ஒரு பெரிய முதலீடாக பார்க்கின்றனர்.
சமீப காலமாக, தங்கத்தின் விலை கூடுதலாக இருக்கின்ற நிலையில், நகை வாங்க முடியாத சிரமத்தில் பல பேர் இருக்கின்றனர்.
திருமணம், பண்டிகை, விழாக்களில் வழங்கப்படும் முக்கியமான பரிசாகவும், மங்களகரமானதாக கருதப்படுகிறது.
அந்தவகையில், இந்தியாவில் தங்கம் குறைந்த விலையில் கிடைக்கும் 5 மாநிலங்கள் குறித்து பார்க்கலாம்.
இந்தியாவில் தங்கத்தின் விலை மாநிலங்களுக்குள் மாறுபடுகிறது. இதற்கு உள்ளூர் வரிகள், போக்குவரத்து செலவுகள் மற்றும் நகைக்கடைகளின் போட்டி போன்றவை முக்கிய காரணங்களாகும்.
இந்தியாவில் தங்கம் பெரும்பாலும் இறக்குமதி செய்யப்படுவதால், துறைமுகங்களுக்கு அருகிலுள்ள பகுதிகளில் விலை குறைவாக இருக்கின்றன.
இந்த மாநிலங்களில் தங்கம் குறைவாக இருக்க முக்கிய காரணம் குறைந்த போக்குவரத்து செலவு தான்.
More Read
நகைக்கடைகள் உள்ள இடங்களில் போட்டி அதிகமாக இருப்பதால் செய்கூலி குறைக்கப்படுவதால் தங்க நகைகளின் மொத்த விலையும் குறைகிறது.
தமிழ்நாட்டில், குறிப்பாக சென்னை போன்ற நகரங்களில் வலுவான விநியோக அமைப்பு மற்றும் அனுபவமுள்ள கைவினைஞர்கள் இருப்பதால் தங்க நகைகள் குறைந்த தயாரிப்பு செலவில் கிடைக்கின்றன.
கேரளாவில் தங்க நுகர்வு அதிகமாக இருப்பதால் நகை சந்தை மிகவும் போட்டித்தன்மை கொண்டது. இதனால் செய்கூலி குறைந்து குறைந்த விலையில் கிடைக்கின்றன.
கர்நாடகா, குறிப்பாக பெங்களூருவில், பல நகைக்கடைகள் இருப்பதால் விலைகள் வெளிப்படையாக நிர்ணயிக்கப்பட்டு குறைந்த விலையில் கிடைக்கின்றன.
மேற்கு வங்கத்தில், குறிப்பாக கொல்கத்தாவில், குறைந்த தொழிலாளர் செலவு மற்றும் திறமையான கைவினைஞர்கள் காரணமாக தங்க நகைகள் குறைந்த விலையில் கிடைக்கின்றன.
அதேபோல், மகாராஷ்டிராவில் மும்பை துறைமுகத்திற்கு அருகில் இருப்பதால் போக்குவரத்து செலவு குறைந்து தங்க விலை சற்றுக் குறைவாக கிடைக்கின்றன.
