வியட்நாமின் முன்னணி மின்சார வாகன நிறுவனம் VinFast, இந்திய சந்தையில் தனது விரிவாக்கத்தை வேகப்படுத்தி வருகிறது.
VF6 மற்றும் VF7 SUV மாடல்களை அறிமுகப்படுத்திய பிறகு, இப்போது இந்தியாவின் மிகப்பெரிய இரு சக்கர வாகன சந்தையை குறிவைத்து, 3 புதிய மின்சார ஸ்கூட்டர்களை அறிமுகப்படுத்த உள்ளது.
VinFast இந்தியாவில் அறிமுகப்படுத்தவுள்ள மாடல்கள்:
VinFast Evo – நகரப் பயணிகளுக்கான எளிய மற்றும் வசதியான மாடல்
Feliz – தினசரி பயணங்களுக்கு ஏற்ற, நீண்ட பயண திறன் கொண்ட மாடல்
Viper – அதிக செயல்திறன் விரும்பும் பயணிகளுக்கான சக்திவாய்ந்த மாடல்
இந்த மாடல்கள் வியட்நாமில் ஏற்கனவே விற்பனையில் உள்ளன. ஆனால் இந்திய சந்தைக்கு, VinFast அவற்றை மறுவடிவமைத்து, உள்ளூர் சாலைகள், வானிலை மற்றும் பயண பழக்கங்களுக்கு ஏற்ப மாற்றபட்டுள்ளன.
“இந்திய சந்தையில் நீடித்த தன்மை மற்றும் அதிக ரேஞ்ச் முக்கியமானவை. அதற்கேற்ப மாடல்கள் வடிவமைக்கப்படும்” என VinFast தெரிவித்துள்ளது.
இந்த புதிய அறிமுகம், இந்தியாவின் வேகமாக வளர்ந்து வரும் மின்சார இருசக்கர வாகன சந்தையில் VinFast-க்கு வலுவான இடத்தை உருவாக்கும் என எதிர்பார்க்கப்படுகிறது.
VinFast-ன் Evo, Feliz, Viper மின்சார ஸ்கூட்டர்கள், இந்திய EV சந்தையில் புதிய போட்டியை உருவாக்கவுள்ளன.
