கூகுள் தனது புதிய AI இசை உருவாக்கும் மொடல் Lyria 3 Pro-வை அறிமுகப்படுத்தியுள்ளது.
இந்த மொடல் மூன்று நிமிடங்கள் வரை நீளமான பாடல்களை உருவாக்கும் திறன் கொண்டது.
பாடலின் intro, verse, chorus, bridge போன்ற இசை அமைப்புகளை புரிந்து கொண்டு, பயனர்கள் விரும்பும் பாடல் வடிவமைப்பை உருவாக்கும் வசதி இதில் உள்ளது.
Lyria 3 Pro தற்போது Vertex AI வழியாக வணிக நிறுவனங்களுக்கு கிடைக்கிறது. மேலும், Google AI Studio மற்றும் Gemini API வழியாக டெவலப்பர்களும் பயன்படுத்தலாம்.
கூகுள் தனது Google Vids வீடியோ உருவாக்கும் செயலியில் இதை இணைத்துள்ளது.
இசை தயாரிப்பாளர்கள், பாடலாசிரியர்கள், கலைஞர்கள் அனைவரும் பயன்படுத்தக்கூடிய ProducerAI என்ற கூட்டுப் பணியாற்றும் கருவியிலும் Lyria 3 Pro இணைக்கப்பட்டுள்ளது. உலகளாவிய அளவில் இலவச மற்றும் கட்டண சந்தாதாரர்களுக்கு இது கிடைக்கிறது.
கூகுள் தனது Music AI Sandbox மூலம் இந்த தொழில்நுட்பத்தை உருவாக்கியுள்ளது. கிராமி விருது பெற்ற தயாரிப்பாளர் Yung Spielburg மற்றும் DJ François K ஆகியோர் இதைப் பயன்படுத்தி இசையை உருவாக்கியுள்ளனர்.
கூகுள், யூடியூப் மற்றும் தனது சட்டபூர்வ உரிமைகளின் கீழ் கிடைக்கும் தரவுகளைப் பயன்படுத்தி Lyria 3 Proவை பயிற்சி செய்துள்ளது. மேலும், உருவாக்கப்படும் அனைத்து இசைகளிலும் SynthID என்ற AI watermark இணைக்கப்பட்டுள்ளது.
இந்த புதிய AI இசை தொழில்நுட்பம், உலகளாவிய இசைத் துறையில் புதிய மாற்றத்தை ஏற்படுத்தும் என எதிர்பார்க்கப்படுகிறது.
