பிரித்தானியா உட்பட ஐரோப்பிய நாடுகள் பல ஹார்முஸ் நீரிணை விவகாரத்தில் ட்ரம்பிற்கு உதவ மறுத்துள்ள நிலையில் ஜப்பான் களமிறங்க வாய்ப்புள்ளதாக தகவலொன்று வெளியாகியுள்ளது.
ட்ரம்பின் கோரிக்கை
ஈரான் மீதான போரை அடுத்து, ஹார்முஸ் நீரிணை கப்பல் போக்குவரத்திற்கு முடங்கியது. அத்துமீறும் கப்பல்கள் தாக்கப்படும் என ஈரான் எச்சரித்த நிலையில், கடந்த 18 நாட்களாக கப்பல் போக்குவரத்து ஸ்தம்பித்துள்ளது.
ஈரானின் எச்சரிக்கையை மீறிய 7 கப்பல்கள் மீது தாக்குதலும் முன்னெடுக்கப்பட்டது. ஹார்முஸ் நீரிணையில் கப்பல் போக்குவரத்து முடங்கியதால் எண்ணெய் விலை தற்போது 100 டொலருக்கு மேல் உயர்ந்துள்ளது.
இந்த நிலையில் ஹார்முஸ் நீரிணை விவகாரத்தில் உலக நாடுகள் உதவ முன்வர வேண்டும் என டொனால்ட் ட்ரம்ப் கோரிக்கை விடுத்தார். ஆனால், பிரித்தானியா, பிரான்ஸ், ஜேர்மனி, சீனா உள்ளிட்ட நாடுகள் அனைத்தும் ட்ரம்பின் கோரிக்கையை நிராகரித்துள்ளது.
ஆனால் ஹார்முஸ் விவகாரத்தில் ட்ரம்பிற்கு ஜப்பான் உதவலாம் என்ற சூழல் உருவாகியுள்ளது. இரண்டாம் உலகப் போரில் தோல்வியடைந்த பிறகு, சர்வதேசப் பிரச்சினைகளைத் தீர்ப்பதற்குப் படைபலத்தைப் பயன்படுத்துவதைத் துறக்கும், அமெரிக்காவால் உருவாக்கப்பட்ட அரசியலமைப்பை ஜப்பான் ஏற்றுக்கொண்டது.
இருப்பினும், அந்த வரம்புகளுக்கு உட்பட்டு, ஜப்பான் பிரதமர் தகைச்சி தனது கடல்சார் தற்காப்புப் படை கப்பல்களை வெளிநாடுகளில் சட்ட அமலாக்க நடவடிக்கைகளில் ஈடுபடுத்த முடியும் என்றே கூறுகின்றனர்.
More Read
இதற்கு மிகத் தெளிவான உதாரணம், சோமாலியா கடற்பரப்பிலும் ஏடன் வளைகுடாவிலும் நடைபெறும் கடற்கொள்ளையர் எதிர்ப்பு நடவடிக்கையாகும்.
அனைத்து நாடுகளின் கப்பல்களையும் ஜப்பானிய போர்க்கப்பல்கள் பாதுகாக்க அனுமதிக்கும் வகையில் சட்டத்தைத் திருத்திய பின்னர், 2009-ல் ஜப்பான் இந்த நடவடிக்கையில் இணைந்தது.
அச்சுறுத்தலை உருவாக்குகிறது
தற்போது ட்ரம்பின் கோரிக்கையைத் தொடர்ந்து, பாதுகாப்பு அமைச்சர் ஷின்ஜிரோ கொய்சுமி திங்களன்று நாடாளுமன்றத்தில், கடல்சார் தற்காப்புப் படையால் மேலும் நடவடிக்கைகள் அவசியமெனக் கருதப்பட்டால், இதேபோன்ற ஒரு காவல் நடவடிக்கை பரிசீலிக்கப்படலாம் என்று தெரிவித்தார்.
ஆனால், வெறும் ரோந்து நடவடிக்கைகளுக்கு மட்டுமே ஜப்பான் களமிறங்கும் என்றும், ஈரானுக்கு எதிரான போரில் அல்ல என்றும் விளக்கமளிக்க வேண்டும்.
மட்டுமின்றி, ஹார்முஸ் நீரிணை மூடப்படுவதால் ஏற்படும் எரிசக்தி விநியோக இடையூறு, ஒரு இருப்பியல் சார்ந்த அச்சுறுத்தலை உருவாக்குகிறது என்று தகைச்சி வாதிட வேண்டியிருக்கும்; இத்தகைய வாதம் கடுமையான அரசியல் மற்றும் பொதுமக்களின் எதிர்ப்பைச் சந்திக்கக்கூடும்.
More Read
இருப்பினும், இந்தச் சட்டம் இதுவரை பயன்படுத்தப்படவில்லை, மத்திய கிழக்கில் பதற்றத்தைத் தணிப்பதற்கான இராஜதந்திர முயற்சிகளுக்கு ஜப்பான் முன்னுரிமை அளிக்கும் என்றே பிரதமர் தகைச்சி இந்த வாரம் கூறியிருந்தார்.
